Bukieraŭskaja premija ŭ 2017 hodzie (tvor na anhlijskaj movie) prysudžana amierykanskamu piśmieńniku Džordžu Sondersu z ramanam «Linkoln u bardo». Pieramožca atrymaje taksama 50 tysiač dalaraŭ.
U šort-list premii patrapili taksama amierykanskija piśmieńniki Poł Oster («4, 3, 2, 1»), Emili Frydłund ( «Historyja vaŭkoŭ»), pakistanski aŭtar Machsin Chamid («Vychad na Zachad»), šatłandskaja piśmieńnica Ali Śmit («Vosień») i brytanka Fijona Moźli («Ełmiet»).
«Linkoln u bardo» — pieršy raman Džordža Sondersa, jaki raniej vypuskaŭ apaviadańni i apovieści. Dziejańnie knihi adbyvajecca ŭ 1862 hodzie ŭ momant śmierci syna prezidenta ZŠA Aŭraama Linkalna; Bardo — paniaćcie z budyzmu, pad jakim majecca na ŭvazie pramiežkavy stan pamiž žyćciom i pieraradžeńniem.
***
Da 2014 hoda na Bukiera mahli naminavacca tolki piśmieńniki ź Vialikabrytanii, Irłandyi i krain Brytanskaj Sadružnaści, ale ciapier da razhladu prymajucca lubyja ramany na anhlijskaj movie.
