Букераўская прэмія ў 2017 годзе (твор на англійскай мове) прысуджана амерыканскаму пісьменніку Джорджу Сондэрсу з раманам «Лінкольн у бардо». Пераможца атрымае таксама 50 тысяч даляраў.
У шорт-ліст прэміі патрапілі таксама амерыканскія пісьменнікі Пол Остэр («4, 3, 2, 1»), Эмілі Фрыдлунд ( «Гісторыя ваўкоў»), пакістанскі аўтар Махсін Хамід («Выхад на Захад»), шатландская пісьменніца Алі Сміт («Восень») і брытанка Фіёна Мозлі («Элмет»).
«Лінкольн у бардо» — першы раман Джорджа Сондэрса, які раней выпускаў апавяданні і аповесці. Дзеянне кнігі адбываецца ў 1862 годзе ў момант смерці сына прэзідэнта ЗША Аўраама Лінкальна; Бардо — паняцце з будызму, пад якім маецца на ўвазе прамежкавы стан паміж жыццём і перараджэннем.
***
Да 2014 года на Букера маглі намінавацца толькі пісьменнікі з Вялікабрытаніі, Ірландыі і краін Брытанскай Садружнасці, але цяпер да разгляду прымаюцца любыя раманы на англійскай мове.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары