Jak zrazumieć, što piečani patrebnaja dapamoha, my vyśviatlali ŭ zahadčyka treciaha terapieŭtyčnaha adździaleńnia Pieršaj centralnaj rajonnaj kliničnaj palikliniki Centralnaha rajona Minska Danuty Kasabuckaj.
Jak ubačyć, što jość prablema
Mnohija zachvorvańni adrazu ž «vyłaziać» na tvary i ciele čałavieka. I piečań tut nie źjaŭlajecca vyklučeńniem. Jość try asnoŭnyja sihnały, jakija dajuć zrazumieć, što varta pačać chvalavacca:
- białki vačej stanoviacca žaŭtavatymi,
- źjaŭlajucca sasudzistyja «zorački» i pihmientnyja plamy,
- skura nabyvaje žaŭtavataje adcieńnie.
Akramia taho, čałaviek moža zhubić kolišniuju pracazdolnaść i pačać chutka stamlacca. Moža źniknuć apietyt, źjavicca horyč u rocie, a taksama zaŭvažny žyvot — jak nastupstva nazapašvańnia vadkaści ŭ brušnoj połaści.
Čamu piečań pačynaje chvareć
Vyvieści hety orhan sa stroju składaniej, čym mnohija inšyja, ale mahčyma. Voś asnoŭnyja pryčyny, jakija mohuć spravakavać raźvićcio zachvorvańniaŭ:
- złoŭžyvańnie ałkaholem,
- virusnyja zachvorvańni piečani,
- pasłableńnie imunitetu,
- parušeńnie abmienu rečyvaŭ,
- spadčynnyja zachvorvańni,
- peŭnyja leki i taksičnyja rečyvy,
- zachvorvańnie žoŭcievaha puzyra i padstraŭnikavaj załozy.
Samyja raspaŭsiudžanyja chvaroby
Tłuščavy hiepatoz
Heta chraničnaje zachvorvańnie, kali kletki piečani pieraŭtvarajucca ŭ tłuščavuju tkanku. Zvyčajna tłuščavy hiepatoz raźvivajecca praz zališniuju vahu, pierajadańnie, złoŭžyvańnie tłustaj ježaj. Inšy faktar — ałkahol. Pryčym da chvaroby mohuć vieści nie tolki vialikija dozy śpirtnoha, ale taksama i małyja, kali jany štodzionnyja. Jašče adna pryčyna — praciahły pryjom lekaŭ, jakija škodziać kletkam piečani.
Kali tłuščavuju chvarobu zapuścić, jana moža pryvieści da steatahiepatytu, to bok zapaleńnia tkanak piečani, cyrozu i ŭ redkich vypadkach raku.
Ałkaholnaje paražeńnie piečani
Pryjom 40-80 hramaŭ etanołu ŭ dzień na praciahu 10-12 hadoŭ pravakuje raźvićcio ałkaholnaha paražeńnia piečani. Adnak varta ŭličvać taksama ŭpłyŭ spadčynnych faktaraŭ i ŭździejańnie navakolla.
Treba skazać, što ŭ žančyn ałkaholnaje paražeńnie piečani raźvivajecca chutčej i dla hetaha chapaje mienšych doz ałkaholu.
Chraničnyja virusnyja hiepatyty V i S
Hiepatytam nazyvajuć roznyja zapalenčyja zachvorvańni piečani. Hiepatyty V i S — niespadčynnyja chvaroby, pieradajucca jany tolki praz kroŭ. Padčapić virus možna ŭ sumnieŭnych tatu-sałonach, na sieansie manikiuru ci piedykiuru abo paraniŭšysia šprycam, na jakim była kroŭ čałavieka, što chvareje na hiepatyt. Pry prostym pacałunku ci znachodžańni pobač z chvorym čałaviekam zarazicca amal niemahčyma.
Hiepatyt V našmat bolš raspaŭsiudžany, čym hiepatyt S. Pieršy praciakaje vostra, adnak surjoznyja ŭskładnieńni paśla jaho ŭźnikajuć adnosna redka. Z hiepatytam S usio naadvarot: jon praciakaje spakojna, adnak našmat čaściej pierachodzić u chraničnuju formu.
Mienavita hiepatyt S nazyvajuć adnoj z najbolš niebiaśpiečnych chvarob piečani, bo časta jon pierarastaje ŭ jašče bolš niebiaśpiečnuju chvarobu — cyroz piečani. A hetaja chvaroba, u svaju čarhu, źjaŭlajecca adnoj z samych raspaŭsiudžanych pryčyn śmierci ŭ 35-65 hod.
Jak papiaredzić chvaroby piečani
Najpierš varta maksimalna źmienšyć źniešnija ryzyki:
- padtrymlivać zdarovuju vahu cieła,
- abmiežavać užyvańnie ałkaholu,
- pravieści vakcynacyju suprać hiepatytaŭ A i V,
- užyvać tolki tyja leki i tak, jak prapisaŭ doktar, kab paźbiehnuć hiepatataksičnaści,
- paźbiahać niepasrednaha kantaktu z kroŭju i seksualnych suviaziaŭ z małaznajomymi.
Prablemy ź piečańniu mohuć uźniknuć u lubym uzroście, ale najčaściej ź imi sutykajucca va ŭzroście 15-45 hadoŭ.
Jak balić piečań
Pra «niepaładki» moža sihnalizavać bol u pravym padrabryńni. U piečani niama niervovych kančatkaŭ i bol u joj sam pa sabie ŭźniknuć nie moža, navat kali chvaroba ŭžo jość. Niervovyja kančatki jość nie ŭ piečani, a ŭ abałoncy, što jaje pakryvaje. Praz chvaroby piečań pavialičvajecca ŭ pamierach, raściahvaje abałonku piečani, ad čaho i źjaŭlajecca bol.
Adnak kab zrazumieć, jakija prablemy jość u vašym arhaniźmie, adnaznačna treba źviarnucca da doktara.
AAT «Ekzon», UNP 200433278
Kamientary