Zialenski ŭvioŭ sankcyi suprać svajoj byłoj pres-sakratarki Julii Miendel. Jaje vinavaciać u prarasijskaj prapahandzie
Prezident Ukrainy zaćvierdziŭ rašeńnie Rady nacyjanalnaj biaśpieki i abarony ab uviadzieńni piersanalnych abmiežavańniaŭ suprać svajoj byłoj aficyjnaj pradstaŭnicy. Padstavaj dla ŭklučeńnia ŭ sankcyjnyja śpisy razam z rasijskim vajenna-pramysłovym kompleksam stali publičnyja zajavy eks-čynoŭnicy, jakija ŭ Kijevie kvalifikavali jak dezynfarmacyju i padtrymku ahresiŭnaj palityki Maskvy.
Pavodle infarmacyi vydańnia «Ukrajinśka pravda», 13 vieraśnia Uładzimir Zialenski padpisaŭ ukaz, jakim uvioŭ u dziejańnie rašeńni RNBA. U adnym z dakumientaŭ, nakiravanych suprać asob, što apraŭdvajuć rasijskuju ahresiju, fihuruje hramadzianka Ukrainy Julija Miendel 1986 hoda naradžeńnia. Razam ź joj pad abmiežavańni trapili jašče dzieviać rasijskich i ŭkrainskich hramadzian, jakija raspaŭsiudžvajuć prapahandu i padtrymlivajuć dziejańni Rasii.
Julija Miendel zajmała pasadu pres-sakratara prezidenta Ukrainy z červienia 2019 pa lipień 2021 hoda. Paśla zvalnieńnia jana adznačyłasia šeraham skandalnych vykazvańniaŭ, kulminacyjaj jakich stała intervju amierykanskamu viadoŭcu Takieru Karłsanu ŭ mai 2026 hoda. U im Miendel biez spasyłak na kankretnyja dokazy abvinavaciła Zialenskaha ŭ admyvańni hrošaj i ŭžyvańni narkotykaŭ, a byłoha kiraŭnika Ofisa prezidenta Andreja Jermaka — u zaniatkach čornaj mahijaj, pachodach na mohiłki i vykarystańni «miortvaj vady». Jana taksama śćviardžała, što viasnoj 2022 hoda na pieramovach u Stambule ŭkrainskaja delehacyja nibyta była hatovaja pahadzicca na ŭsie patrabavańni Rasii dziela spynieńnia vajny.
Akramia piersanalnych sankcyj suprać publičnych asob, novyja ŭkazy Zialenskaha tyčacca rasijskaj łahistyki i vajennaha siektara. Abmiežavańni ŭviedzienyja suprać 20 marskich sudnaŭ rasijskaha «cieniavoha fłotu», jakija vykarystoŭvajucca dla ekspartu nafty, naftapraduktaŭ i zvadkavanaha hazu.
Taksama ŭ sankcyjnyja śpisy ŭklučanyja 29 rasijskich hramadzian i 29 kampanij, źviazanych ź dziaržkarparacyjaj «Rastech». Siarod ich apynulisia pradpryjemstvy, jakija pastaŭlajuć vysokadakładnaje abstalavańnie i elektroniku dla vytvorčaści rakiet i dronaŭ, navukova-daśledčyja arhanizacyi VPK i vytvorcy tavaraŭ dvajnoha pryznačeńnia. Asobna pad sankcyi trapili IT-kampanii, što stvarajuć prahramnyja pradukty dla zboru danych i šyfravańnia, a taksama navučalnaja ŭstanova, jakaja rychtuje kadry dla kancerna «Kałašnikaŭ». Aficyjny Kijeŭ płanuje pieradać usiu sabranuju infarmacyju zachodnim partnioram dla sinchranizacyi sankcyjnaha cisku ŭ mižnarodnych jurysdykcyjach.
Ciapier čytajuć
Ceny na kvatery ŭ «Minsk-Śviecie» padajuć, a ŭ Minsku — rastuć. Sumnyja pierśpiektyvy dla rajona?3
Kamientary
1. Nie sovsiem poniatno, kak dołžny byli vyhladieť dokazy. Čto-to vrodie DNK na kuritielnych trubkach dla kreka?
2. A pavažanaja redakcija nie ci nie pierabłytała intierv́ju s sudiebnym prociessom?
3. Postojtie, no vied́ dažie v sudiebnom procieśsie priamyje śvidietielstva očievidca - eto oni samyje i jesť, kankretnyja dokazy! Priam samaja miakoť kankretnych dokazaŭ.
4. T.ie. priamyje śvidietielstva oficialnoho dołžnostnoho lica, dannyje biez prinuždienija i otkryto v prieśsie diemokratičieskoho hosudarstava - eto nie OK. A śviedienija "anonimnych istočnikov" antitrampistskoj priessy, vyvalivajemyje na stranicach uvažajemoj NN v promyšlennych količiestvach v vidie biezapielacionnych zahołovkov - eto OK. Kankretnych dokazaŭ dastatkova ŭ tych ananimnych krynicach?
Kali jany vinavatyja ci padazravanyja - suproć ich adkryvajuć kryminalnyja spravy i sudziać.