Reuters.com
Biełaruś niasie pramyja straty z-za zabarony tranzitu sankcyjnych tavaraŭ pa terytoryi Rasii. Pra heta zajaviŭ premjer-ministr Biełarusi Andrej Kabiakoŭ siońnia na pasiadžeńni Jeŭrazijskaha mižuradavaha savieta ŭ pašyranym składzie ŭ Jerevanie.
Biełaruś inicyjuje realizacyju dadatkovych mier kantrolu za pieramiaščeńniem sankcyjnych tavaraŭ dla adnaŭleńnia ich tranzitu pa terytoryi Rasii.
«Nieabchodnaść dadatkovych mier pa kantroli za pieramiaščeńniem tavaraŭ, u dačynieńni da jakich Rasijskaj Fiederacyjaj u adnabakovym paradku prymianiajucca śpiecyjalnyja ekanamičnyja miery, vyklikanaja našymi pramymi stratami», — zajaviŭ premjer-ministr.
Raśsielhasnahladam pryniata rašeńnie ab zabaronie jašče z 30 listapada 2014 hoda tranzitu tak zvanych sankcyjnych tavaraŭ, što pastupajuć praź biełaruskija punkty propusku, na adras atrymalnikaŭ u Kazachstanie i Kyrhyzstanie praz terytoryju Rasii. «Abranaje rašeńnie nanosić istotny ŭron tranzitnaj pryvabnaści Biełarusi. My pra heta zajavili adrazu ž i prapanavali na placoŭcy JEAES raspracavać kompleks sumiesnych mierapryjemstvaŭ, jaki b zrabiŭ hety tranzit znoŭ mahčymym. Hetuju temu my abmiarkoŭvajem užo dva z pałovaj hady», - kanstatavaŭ kiraŭnik urada.
«Miarkuju, što heta toj vypadak, kali partniory pa sajuzie pavinny znajści varyjant rašeńnia, jaki dazvoliŭ by ŭličyć intaresy i realnyja mahčymaści ŭsich udzielnikaŭ pracesu. My da hetaha hatovyja, što nie raz demanstravali ŭ pracesie abmierkavańnia prablemy», — padkreśliŭ Andrej Kabiakoŭ.
