5 listapada turystyčnaja ahiencyja «Kuferak padarožžaŭ» zaprašaje ŭ zachaplalnuju vandroŭku pa histaryčnaj Dzisienščynie. My pahladzim pomniki historyi i kultury, uspomnim słavutych ludziej, što mieli da ich dačynieńnie, pabačym sučasnaje žyćcio na toj staražytnaj ziamli.
Histaryčnaja Dzisienščyna — heta nie łapik terytoryi vakoł adnajmiennaha haradka ŭ Miorskim rajonie. Byŭ čas, kali ź Dzisny kiravali cełym krajem. U Livonskuju vajnu XVI stahodździa, kali vojska Ivana Žachlivaha zachapiła Połack, centram vajavodstva ličyłasia Dzisna — až pakul karol Stefan Batoryj nie vyhnaŭ zachopnikaŭ.
Ale maršrut vandroŭki lažyć paŭdnioviej.
Dokšycy. Hienryk Dmachoŭski
U Dokšycach, historyja jakich siahaje až u časy Hrunvaldskaj bitvy, my pabačym nie tolki chramy i pomniki, ale i frahmienty haradskoj zabudovy XVIII st., zmožam ujavić, jak vyhladali biełaruskija harady ŭ minułym.
Tut, pad Dokšycami, kala majontka Parečča zahinuŭ i byŭ pachavany miž staražytnych kurhanoŭ pad vioskaj Biruli skulptar, mastak i zmahar za svabodu Hienryk Dmachoŭski.
Jon udzielničaŭ u paŭstańni 1831 hoda na biełaruskich ziemlach, udzielničaŭ u vuličnych bajach u Lvovie ŭ 1846-m, žyŭ u Francyi i Amierycy,stvaryŭ partrety słavutych zmaharoŭ za svabodu — Harybaldzi, Łajaša Košuta. Jaho skulptury Džefiersana, Vašynhtona i Franklina ŭpryhožvajuć Kanhres ZŠA. Ale ŭ 1863-m, kali znoŭ pačałosia paŭstańnie na radzimie, Dmachoŭski viarnuŭsia, kab uziać u im udzieł…
Mosar. Piłsudskija
U Mosary my pabačym kaścioł Śviatoj Hanny i Kalvaryju, upryhožanyja dbańniami ksiandza Juozasa Bulki. Škada, što nie zachavaŭsia pałac Bžastoŭskich, jaki byŭ hetki ž šykoŭny, jak i karaleŭski pałac u varšaŭskich Łazienkach. I heta nie adzinaje, što jadnaje Mosar z kiraŭnikami Polščy: ad 1870-ch miastečkam vałodali Piłsudskija — nie prodki, ale svajaki Načalnika polskaj dziaržavy Juzafa Piłsudskaha.
Udzieła. Vacłaŭ Łastoŭski
A pobač Udzieła. Niepadalok ad jaje, u zaścienku Kaleśnikaŭ, naradziŭsia Vacłaŭ Łastoŭski — aŭtar pieršaj «Historyi Biełarusi», historyi biełaruskaj knihi i adzin z aŭtaraŭ biełaruskaj niezaležnaści.
Biezumoŭna jon nie raz špacyravaŭ u navakollach Udzielskaha franciškanskaha kaścioła, pobač z klaštaram. Ci nie tam naradžalisia jaho idei?
Hłybokaje. Drazdovič, Dušeŭski, Napaleon
Nu i dyjamient našaj vandroŭki — Hłybokaje. Dyjamient nie tolki architekturny. Choć, zhodna z padańniem, tamtejšy kaścioł karmielitaŭ Napaleon chacieŭ zabrać u Paryž i pastavić pobač z Notr-Damam.
Tut my pakłonimsia pamiaci Kłaŭdyjuša Duž-Dušeŭskaha, stvaralnika bieł-čyrvona-biełaha ściaha.
Pomnić Hłyboččyna i mastaka Jazepa Drazdoviča — adnaho z samych jaskravych tvorcaŭ časoŭ nacyjanalnaha Adradžeńnia.
Tut jon naradziŭsia, tut pry kancy žyćcia vandravaŭ, zarablajučy na chleb azdableńniem sialanskich chat…
Vas čakaje zachaplalny apovied daśviedčanaha ekskursavoda pra hetyja i inšyja padziei.
Cana vandroŭki — 30 rubloŭ.
Zapisacca možna tut.
Kantakty:
+375 29 1694811
+375 29 1117332
TAA «Kuferak padarožžaŭ». UNP 192012905
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary