Nacyjanalny archiŭ ZŠA apublikavaŭ amal 3 tys. raniej zasakrečanych dakumientaŭ ab zabojstvie 35-ha prezidenta Džona Kieniedzi ŭ listapadzie 1963 hoda. Niekatoryja fajły pa prośbie Donalda Trampa nie byli apublikavanyja z-za mahčymaj pahrozy biaśpiecy ZŠA
U bazie Nacyjanalnaha ŭpraŭleńnia archivaŭ i dakumientacyi (National Archives and Records Administration, NARA) ZŠA ŭpieršyniu apublikavany 2891 dakumient pa spravie ab zabojstvie 35-ha amierykanskaha prezidenta Džona Kieniedzi. Usie fajły dastupnyja na sajcie ahienctva.
«U Nacyjanalnym archivie siońnia apublikavany 2891 zapis, źviazany z zabojstvam prezidenta Džona F. Kieniedzi, jaki padpadaje pad dziejańnie Aktu ab schodzie materyjałaŭ ab zabojstvie prezidenta Džona F. Kieniedzi 1992 hoda pdf», — havorycca ŭ tłumačalnaj zapiscy da archiva.
Z pres-relizu vynikaje, što prezident Donald Tramp pa prośbach vykanaŭčych orhanaŭ i viedamstvaŭ krainy vyrašyŭ časova nie drukavać niekatoryja dakumienty z sakretnaha archiva, jakija mohuć nanieści škodu nacyjanalnaj biaśpiecy ZŠA. Kiraŭnik dziaržavy, havorycca ŭ paviedamleńni, daručyŭ viedamstvam ŭnieści praŭki ŭ peŭnyja fajły, «što nieabchodna dla taho, kab paźbiehnuć škody vajennaj abaronie, raźviedvalnym apieracyjach, pravaachoŭnym orhanam abo źniešniaj palitycy».
«Identyfikavanaja škoda nastolki surjoznaja, što jana pieravažvaje hramadski intares da raskryćcia», — padkreślivajecca ŭ tłumačeńni Nacyjanalnaha archiva.
U kancy kastryčnika skančajecca 25-hadovy termin sakretnaści archiva dakumientaŭ ab zabojstvie Kieniedzi. Da hetaha ŭłady ZŠA ŭžo publikavali častku fajłaŭ ź jaho: papiaredniaja porcyja archiva była apublikavanaja 24 lipienia i źmiaščała 3,9 tys. dakumientaŭ. Jany taksama dastupnyja ŭ ciapierašni čas na sajcie archiva. Jašče niekalki tysiač dakumientaŭ buduć apublikavany da kanca krasavika 2018 hoda.
Pa słovach krynic Reuters u amierykanskim uradzie, Tramp daŭ uradavym ustanovam 180 dzion na abhruntavańnie časovaj zabarony na publikacyju pakinutych dakumientaŭ pa spravie Kieniedzi.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ11
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary