Redakcyja Arche nie mahła nie dałučycca da sioletniaha šyrokaha adznačeńnia biełaruskaju hramadzkaściu 500-hadovaha jubileju biełaruskaha knihadrukavańnia.
Admysłovy numar, padrychtavany da hetaje padziei, tematyčna aryjentavany na asensavańnie taho faktu, što pieršaju knihaju, vydadzienaju Franciškam Skarynam na našaj movie, była Biblija. Adpaviedna bolšaść tekstaŭ, apublikavanych u numary, tak ci inačaj pryśviečanyja tradycyjam biełaruskaje biblistyki ŭ histaryčnym raźvićci. Čytačy časopisu majuć mahčymaść adčuć niepieraryŭnaść hetych tradycyjaŭ dy ichnaje kultyvavańnie ŭ roznych histaryčnych umovach.
Numar pryśviečany 500-hodździu vydańnia Franciškam Skarynam u 1517 h. u Prazie Biblii na starabiełaruskaj movie. U jaho ŭklučanyja artykuły, pryśviečanyja jak bijahrafii biełaruskaha pieršadrukara dy jahonych paśladoŭnikaŭ, tak i historyi pierakładaŭ biblijnych tekstaŭ jak na biełaruskuju, tak i na inšyja ŭschodniesłavianskija movy.
Častka tekstaŭ zakranaje taksama prablemu pašyreńnia jevanhielskaha vučeńnia ŭ Biełarusi i śviecie ŭ roznych histaryčnych abstavinach.
U numary drukujucca teksty biełaruskich, rasijskich i brytanskich aŭtaraŭ. Akramia aryhinalnych tekstaŭ, na staronkach numara apublikavanyja taksama niekatoryja važnyja dla razumieńnia prablemy krynicy.
Pra toje, jak atrymać numar, možna daviedacca na sajcie Arche.
Kamientary