U Lidskaj centralnaj lakarni zrabili apieracyju žycharcy Biarozaŭki, jakuju ŭviečary 26 kastryčnika źbiŭ namieśnik načalnika milicyi Hrodnienskaj vobłaści, jaki jechaŭ na aŭtamabili. Žančyna jašče znachodzicca ŭ lakarni, jaje stan lekary aceńvajuć jak dobry, piša Jeŭraradyjo.
«Adčuvaje jana siabie dobra. Učora joj zrabili apieracyju na ruce i nazie, bo tam byli askołačnyja pierałomy. Ciapier papraŭlajecca», — kaža supracoŭnik balnicy.
Zdareńnie adbyłosia, kali pałkoŭnik milicyi, adzin z namieśnikaŭ kiraŭnika abłasnoj milicyi, jechaŭ na mašynie nie ŭ pracoŭny čas. Pavodle ekśpiertyzy ŭ momant avaryi jon byŭ ćviarozy. Heta adbyłosia na trasie, jakaja prachodzić praź Biarozaŭku, u miescy, dzie daroha zvužajecca. Pa infarmacyi miascovych žycharoŭ, tam staić abmiežavańnie chutkaści ŭ 60 kiłamietraŭ za hadzinu. Miesca aśvietlenaje lichtarami kala darohi, ale ŭ toj viečar išoŭ drobny doždž.
Kryminalnuju spravu raspačali pa artykule «Parušeńnie praviłaŭ ruchu asobaj, jakaja kiruje transpartnym srodkam, što paciahnuła pa nieaściarožnaści pryčynieńnie ciažkaha cialesnaha paškodžańnia» (č. 2 art. 317 KK). Usie abstaviny zdareńnia vyvučaje Śledčy kamitet.
Kamientary