Płan dapamohi Ukrainie, inicyjavany litoŭskimi palitykami, byŭ prezientavany siońnia, 6 listapada, u Sojmie Litvy pasłam krain-udzielnic prahramy «Uschodniaha partniorstva».
Pra heta paviedamlaje Delfi.
Zhodna z płanam, na praciahu dziesiaci hadoŭ, z 2018 hoda, palityki prapanujuć vydzielić Ukrainie 50 młrd jeŭra dapamohi dla zaachvočvańnia małoha i siaredniaha biźniesu.
Litoŭskija dypłamaty i palityki damahajucca taho, kab «novy płan Maršała» dla Ukrainy atrymaŭ padtrymku na listapadaŭskim samicie «Uschodniaha partniorstva».
Litoŭski ministr zamiežnych spraŭ Linas Linkiavičus adznačyŭ nieabchodnaść chutčejšaha nadańnia dapamohi Ukrainie, bo ŭ situacyi, u jakoj znachodzicca kraina, čas nie źjaŭlajecca sajuźnikam.
«Nam vielmi važna, kab dapamoha, jakaja traplaje va Ŭkrainu, była efiektyŭnaj, kab donary achvotna vyłučali dla hetaha srodki, kab ich nie pałochali prajavy biurakratyi i karupcyi, jakija jašče jość. My bačym, što čas nie naš sajuźnik, bo ludzi stamilisia ad vajny, ad biurakratyi, ad pakut», — skazaŭ žurnalistam kiraŭnik MZS Litvy.
Jon prapanavaŭ nazyvać płan «Jeŭrapłanam dla Ukrainy».
Ciapier čytajuć
Siarhiej i Śviatłana Cichanoŭskija sustrelisia ź biełarusami ŭ Vilni1
Kamientary