Vydaviectva pačynaje novuju akcyju.
Biełaruskija rehijony časta robiać uražańnie šerych i niepryhladnych, ale za imi kryjecca jarkaja j bahataja historyja, jakoje my, zdarajecca, nia viedajem.
Ahulnaja historyja Biełarusi składajecca ź mikrahistoryjaŭ paasobnych rehijonaŭ. Nia viedajučy jak žyli našyja ludzi pad Vilniaju ci Homielem, my nia možam śćviardžać, što viedajem historyju krainy ŭ cełym.
Hetuju akcyju zadumali, kab pradstavić historyju paasobnych kutkoŭ Biełarusi. Šmat dla kaho jana budzie jaskravaj i niespadziavanaj.
Rehijony, harady, vioski j miastečki, pra jakija pojdzie havorka: Padźvińnie, Haradzienskaje kniastva (vajavodztva, hubiernia), Połackaje kniastva, Bieraściejska-Drahičynskaja ziamla, miesta Vilnia, Vilenskaje biskupstva, Połackaja ziamla, miesta Bieraściejskaje, miesta Mahiloŭ, Mahiloŭskaja hubiernia, miesta Miensk, miesta Navahradak, Viciebsk, Viciebskaja akruha, Homiel, Homiejskaja ziamla, Homiejskaja vołaść, Homiejski ŭjezd, Pinsk, Pinskaja vobłaść, Baranavičy, Baranavickaja vobłaść, Paniamońnie, Čornaja Ruś, Jatviaź, Paleśsie, Navapołacak, Słucak, Niaśviž, Kurapaty, Ejšyški, Nalibaki, Chatyń, Mir, Mirski rajon, Dziatłava, Škłoŭ, Myš, Stary Bychaŭ, Kopyś, Čareja, Biešankovičy, Bačejkava, Krasłava, Prydrujsk, Kapłava, Indra, Ivianiec i Nalibockaja pušča, Hory-Horki, Smalany…
Histaryčnyja epochi j padziei, pra jakija pojdzie havorka: Ad rańniaha Siaredniaviečča j da sučasnaści (tut kala tryccaci bitvaŭ, paŭstańnie 1863-1864 hh., niamieckaja akupacyja 1941-1944 hh.)…
Histaryčnyja asoby, pra jakija pojdzie havorka: Rahvałod, Usiasłaŭ Čaradziej. Uładzimier Vaładaravič Mienski — Rex Woldemar, Vitaŭt, kniazi Słuckija, Sapiehi, Radziviły, Trajdzień, Vasilka Słonimski, Vojšałk Mindoŭhavič, Mindoŭh…
Histaryčnyja realii rehijonaŭ, pra jakija pojdzie havorka: Mahiloŭskaje bractva prasałaŭ, Mahiloŭski Kupiecki dom, Połackija ŭmacavańni, Baranavickaje hieta, radyjostancyja «Miensk», Krepaść «Paleśsie», Bresckaja krepaść, Navahradzki zamak, Niaśviskaja drukarnia, Niomanski račny šlach, šlachieckija vakolicy, Niaśviski zamak…
U ramkach akcyi prapanujucca 40 vydańniaŭ (20 papiarovych i 20 elektronnych). Bolšaść ź ich maje histaryčny ci krajaznaŭčy profil. Pra toje, jak atrymać vydańni, možna davdacca na sajcie časopisa Arche.
Kamientary