U Iranie adklučyli nie tolki internet, ale i telefonnuju suviaź. Na vulicach sotni tysiač demanstrantaŭ
Apazicyjnyja kanały śćviardžajuć, što na vulicy Tehierana vyjšli sotni tysiač demanstrantaŭ. Vystupy pratestu suprać režymu ajatałaŭ raspaŭsiudzilisia na sotniu nasielenych punktaŭ va ŭsim Iranie.
Šerah telehram-kanałaŭ raspaŭsiudžvaje infarmacyju, što bujny pramysłovy horad Kieredž, jaki znachodzicca niedaloka ad Tehierana, nibyta pierajšoŭ pad kantrol paŭstancaŭ. Pavodle hetych ža źviestak, pratesnyja vystupy zakranuli nie tolki rehijony, ale ŭžo dajšli i da stalicy Irana.
Na zachadzie krainy, u pravincyi Kiermanšach, padčas sutyknieńniaŭ pamiž siłavikami i pratestoŭcami zahinuli dvoje supracoŭnikaŭ Korpusa vartavych Isłamskaj revalucyi. Hety incydent śviedčyć pra rost napružanaści i ŭzrovień hvałtu padčas pratestaŭ.
Na fonie padziej prezident ZŠA Donald Tramp vystupiŭ z žorstkaj zajavaj. Jon paviedamiŭ, što Złučanyja Štaty naniasuć «mahutny ŭdar» pa Iranie, kali iranskija ŭłady pačnuć zabivać pratestoŭcaŭ. Pavodle słoŭ Trampa, hetaje papiaredžańnie ŭžo było aficyjna pieradadzienaje kiraŭnictvu Irana.
Kali pratestoŭcam udasca skinuć režym, možna spadziavacca siarod inšaha, što spyniacca pastaŭki detalaŭ dla rasijskich «šachiedaŭ».
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary
===
Dziŭna, i čaho heta im nie padaravali kvietački