Ciońnia nočču kala dvanaccataj hadziny try ekipažy bresckaha DAI sprabavali zatrymać na vulicach horada aŭtamabil «Opiel Astra», za rulom jakoha — jak paśla vyśvietliłasia — znachodziŭsia 38-hadovy žychar vioski Vidamla Kamianieckaha rajona. Kiroŭca byŭ biez pravoŭ i ŭ stanie ałkaholnaha apjanieńnia, paviedamlaje DAI Bresta.
Pra aŭto, jakoje vykonvała dziŭnyja manioŭry, ŭ DAI paviedamili pa telefonie inšyja kiroŭcy. Uklučyŭšy majački siniaha i čyrvonaha koleraŭ, inśpiektary nieadnarazova vykazvali patrabavańni spynicca, u adkaz na jakija kiroŭca tolki paskaraŭsia.
Na vuł. Janki Kupały kiroŭca vyjechaŭ na sustrečnuju pałasu, čym stvaryŭ realnuju pahrozu žyćciu i zdaroŭju inšych ludziej. Na ščaście, nieŭzabavie paśla hetaha parušalnik byŭ zatrymany. U pieraśledzie i zatrymańni ŭdzielničali try ekipažy DAI.
Inśpiektary, što zatrymali biaspraŭnika, adznačyli fakt, što i kiroŭca, i pasažyr, niahledziačy stan ałkaholnaha apjanieńnia, byli pryšpilenyja ramianiami biaśpieki.
U kiroŭcy ŭ kryvi było 1,9 pramile ałkaholu, što prykładna adpaviadaje ŭžyvańniu ad 0,7 da 1 litra mocnych śpirtnych napojaŭ pry masie cieła da 100 kiłahramaŭ. Na parušalnika składziena 7 administracyjnych pratakołaŭ.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty6
Kamientary