Dźvie hrupy biełarusaŭ byli zatrymanyja pamiežnikami za parušeńnie miažy ŭ Paleskim radyjacyjnym zapaviedniku pobač z adsielenaju vioskaj Ułasy Chojnickaha rajona, paviedamlaje Dziaržpahrankamitet Biełarusi.
Pavodle infarmacyi supracoŭnikaŭ Paleskaha dziaržaŭnaha radyjacyjnaha ekałahičnaha zapaviednika pahraničny narad pierapyniŭ niezakonny maršrut dvuch hramadzian Biełarusi. 9 listapada 18- i 22-hadovyja žychary Brahinskaha rajona parušyli dziaržaŭnuju miažu ź Biełarusi va Ukrainu i nazad.
Rodnyja braty zarablali pošukam i dalejšaj zdačaj rahoŭ alenia. U momant zatrymańnia jany ŭžo paśpieli znajści rohi troch asobin.
Druhaja hrupa — ichnyja ziemlaki — taksama raźličvała zastacca niezaŭvažanaj na terytoryi zony adčužeńnia. Unačy 6 listapada troje biełarusaŭ niezakonna pierakročyli biełaruska-ŭkrainskuju miažu na aŭtamabili UAZ dla narychtoŭki i dalejšaha ŭvozu ŭ Biełaruś rahoŭ dzikich žyvioł i łomu čornaha mietału. Ich zatrymali padčas viartańnia ŭ krainu.
U pieršym vypadku zatrymanyja braty pryciahnutyja da administracyjnaj adkaznaści: jany aformlenyja jak parušalniki dziaržaŭnaj miažy i pahraničnaha režymu. A voś parušalnikam na pazadarožniku pahražaje bolš surjoznaje pakarańnie pa kryminalnym artykule.
U dačynieńni da ich raspačataja kryminalnaja sprava pa č.1 art. 371 KK Respubliki Biełaruś. (Naŭmysnaje niezakonnaje pierasiačeńnie Dziaržaŭnaj miažy Respubliki Biełaruś z vykarystańniem miechaničnaha transpartnaha srodku). Im moža pahražać pazbaŭleńnie voli na termin da dvuch hadoŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ19
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary