Jašče adzin hramadcki aktyvist pakarany za «Marš aburanych biełarusaŭ 2.0», jaki prajšoŭ u Minsku 21 kastryčnika. 14 listapada Pieršamajski rajonny sud aštrafavaŭ Leanida Kułakova na 40 bazavych vieličyń (920 rubloŭ), piša Radyjo Svaboda.
Leanid Kułakoŭ nie admaŭlaŭsia, što braŭ udzieł u mitynhu i šeści aburanych biełarusaŭ, ale spasyłaŭsia na Kanstytucyju, jakaja harantuje demanstracyju palityčnych pohladaŭ. U sudzie pamiž aktyvistam Leanidam Kułakovym i sudździoj Śviatłanaj Čarapovič uźnik dyjaloh. Voś što pryhadaŭ Leanid Kułakoŭ:
«Ja prasiŭ dać mnie aryšt, bo nie maju hrošaj na vypłatu štrafaŭ, patłumačyŭ, što praz štrafy straciŭ pracu. Sudździa pierapytała, jaki mnie dać termin. Ja pahadžaŭsia na luby, ale jana ŭ vyniku dała vialiki štraf. Miarkuju, ciapier im pastupiŭ taki zahad — štrafavać, a nie sadžać. Tady ja zajaviŭ, što heta nie prosta pakarańnie, a represii za vykazvańnie palityčnych pohladaŭ, bo na marš aburanych biełarusaŭ vyjšli ludzi z pratestam suprać dziejnaha palityčnaha režymu».
U pačatku 2017 hoda były taksist Leanid Kułakoŭ zmoh spłacić niekalki raniejšych štrafaŭ, sa štraf-stajanki viarnuli aryštavany aŭtamabil, na jakim aktyvist zarablaŭ na žyćcio, ale znoŭ pracavać jon tak i nie pačaŭ. Padčas adbyćcia aryštu za 25 sakavika Kułakoŭ u kamiery na Akreścina ŭdaryŭ nohu ab žalezny łožak i atrymaŭ traŭmu, praź jakuju dahetul kulhaje. Daktary pryznačyli Leanidu apieracyju. Pry hetym jon praciahvaŭ brać udzieł u pratestavych akcyjach, jakija prachodzili ŭletku i vosieńniu, a milicyja składała na jaho pratakoły, pavodle jakich sudy vynosili štrafy. U vyniku ŭ aktyvista znoŭ naźbirałasia niekalki niavypłačanych štrafaŭ ahułam bolš jak na tysiaču rubloŭ. Pry hetym na pracu Leanida Kułakova nidzie nie biaruć.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary