Andrej Kim, minčuk, jaki arhanizoŭvaje pakazy zamiežnych filmaŭ z dublažom na biełaruskaj movie, paviedamiŭ, što ŭ Breście admovilisia vypuskać u prakat stužku «Štorm: pałajučy list».
Raniej niderłandski film užo pakazvali ŭ Minsku (až u 6 kinateatrach), jaho pahladzieli kala 5 tysiač čałaviek. Ciapier pačaŭsia prakat u rehijonach: Mahiloŭ, Salihorsk, Połack, Barysaŭ i šmat inšych haradoŭ. Dalej na čarzie byli Viciebsk, Hrodna i Brest, ale mienavita ŭ Breście niečakana pačalisia prablemy.
Tłumačeńnie admovy, jakoje Kimu dasłali z «Brestabłkinavideaprakatu», jon vykłaŭ u tvitary. Pryčyna, miakka kažučy, dziŭnavataja — film na biełaruskaj movie nie pakažuć, bo ŭ prakacie idzie biełaruskaja dakumientalnaja stužka «Pieršadruk», pryśviečanaja Skarynu. U suviazi z hetym pakaz zamiežnaha «Štorma» pryznany kamisijaj «niemetazhodnym».
Praŭda, na sajcie Kinobrest.by, na jakim anansujucca filmy, anijakaha biełaruskaha «Pieršadrukara» niama. Tolki zamiežnyja stužki: amierykanski «Tor», rasijskija «Matylda», «Fiksiki», «Apošni asiłak» i h.d. Pry hetym, pry sprobie nabyć praź internet kvitki na filmy ŭ Breście, tajamničy pakaz «Pieršadrukara» taksama nie adlustroŭvajecca.
Dźmitry Sialuk, dyrektar «Brestabłkinavideaprakata», zajaviŭ «Našaj Nivie», što nie budzie kamientavać hetuju historyju.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ6
Kamientary