Pamior piśmieńnik Eduard Skobieleŭ. Jon pamior 15 kastryčnika, ale viadoma stała tolki ciapier.
Eduard Skobieleŭ naradziŭsia 8 śniežnia 1935 hoda ŭ Minsku ŭ siamji vajskovaha inžyniera-budaŭnika. U 1959 hodzie skončyŭ zachodni fakultet Maskoŭskaha dziaržaŭnaha instytuta mižnarodnych adnosin i niejki čas byŭ na dypłamatyčnaj słužbie. Z 1966 hoda pracavaŭ u aparacie CK KPB.
Drukavaŭsia z 1964 hoda, pryčym pa-rusku. Šerah tvoraŭ byŭ pryśviečany historyi: «Mirasłaŭ — kniaź dryhavicki», «Śviedka» (pra Piatra III), «Hiefsimanski sad»; «Naviedvańnie carom Ivanam Vasiljevičam Tryhorskaha djabła». «Zapaviet Stalina» aburyŭ jaŭrejskuju hramadskaść.
Skobieleŭ pisaŭ i dla dziaciej. Samaja viadomaja jaho kniha — «Pryhody Arbuzika i Biabieški».
Paśla abrańnia prezidentam Alaksandra Łukašenki byŭ jaho aktyŭnym prychilnikam. Pracavaŭ hałoŭnym redaktaram časopisa «Infarmacyjny biuleteń administracyi prezidenta Respubliki Biełaruś».
Kamientary