U paleskim Łahišynie hatovy da pracy padarunak Radasłava Sikorskaha
U katalickim sanktuaryi ŭ Łahišynie Pinskaha rajona zaviaršyłasia ŭstanoŭka arhana 2005 hoda pabudovy polskaha majstra Bahumiła Pacholskaha. U svoj čas biskupu Kazimiru Vielikasielcu hety instrumient pieradaŭ ciapierašni ministr zamiežnych spraŭ Polščy Radasłaŭ Sikorski, piša vydańnie Katolik.life.
Jak paviedamiŭ na svajoj staroncy arhanaznaŭca Alaksandr Burdzialoŭ, aŭtar i mastacki kiraŭnik fiestyvalu Ars Magna Organi, jaki ciapier prachodzić u Biełarusi, instrumient byŭ padorany ministram zamiežnych spraŭ Polščy Radasłavam Sikorskim biskupu Kazimiru Vielikasielcu dla sanktuaryja Maci Božaj Łahišynskaj Karalevy Paleśsia.
Heta adbyłosia jašče ŭ 2018 hodzie, ale «składanyja abstaviny 7 hadoŭ nie dazvalali polskim majstram zrabić mantaž hetaha instrumienta, i jon uvieś hety čas lažaŭ u Łahišynie, adnak sioleta ŭžo siłami miascovych viernikaŭ jon byŭ zmantavany», adznačyŭ Burdzialoŭ, jaki byŭ kansultantam pry mantažy arhana.
Pieršapačatkova instrumient byŭ ustalavany ŭ haścioŭni doma Radasłava Sikorskaha, a paśla byŭ padorany im u Biełaruś.
Uračystaje aśviačeńnie arhana adbudziecca 26 lipienia, paśla čaho ŭ ramkach arhannaha fiestyvalu Ars Magna Organi na im adbudziecca pieršy kancert.
Hety instrumient — važny kulturny nabytak u maštabach krainy, padkreśliŭ śpiecyjalist.
Raniej paviedamlałasia, što ŭsiaho na terytoryi Biełarusi naličvałasia 123 arhany.
Sto hadoŭ tamu śviatar-biełarus trapiŭ u Polšču pa abmienie palitviaźniami. Ciapier biełarusy adšukali jaho mahiłu
«Možam i ŭ futboł pahulać, i razam na šavuchu schadzić». Futbalist sa Słonima, jaki staŭ ksiandzom, raskazaŭ pra svajo žyćcio i pryncypy
Pačaŭsia ramont Čyrvonaha kaścioła ŭ Minsku
Pa Minsku prajšła pracesija ź niekalkich tysiač čałaviek
Pasoł Vienhryi pa-majstersku syhrała na arhanie ŭ kaściole ŭ Mahilovie
Kamientary