Jaŭhien Kryžanoŭski, jaki braŭ šlub piać razoŭ: Nivodnaja žonka nie znajšła mnie zamienu!
U Biełarusi ŭ siarednim raspadajecca kožny druhi šlub [pa statystycy na 1000 šlubaŭ prypadaje 506 razvodaŭ]. Adnak komik Jaŭhien Kryžanoŭski idzie na rekord — u jaho ŭžo piataja žonka i, adpaviedna, čatyry razvody!

U studyi «Pryvatu» razam z Valarynaj Kustavaj — historyja šlubaŭ dy razvodaŭ zasłužanaha artysta Biełarusi Jaŭhiena Kryžanoŭskaha.
Siem jarkich cytat Jaŭhiena Kryžanoŭskaha
«Ja sumlenny čałaviek: pacałavaŭsia — adrazu ažaniŭsia!»
«Maja druhaja žonka chvareła strašnaj chvarobaj. Ciapier jaje niama… Jana viedała, što zachvareła, i kab pazbavić mianie hetych pakut — jana źnikła…»
«A adnojčy ja ažaniŭsia pa pjancy. Ja vyjšaŭ pjanieńki — i hladžu: nohi takija iduć! I ažaniŭsia!»
«Mužyki — heta byčki samyja sapraŭdnyja! Tak i mianie źviali z nastupnaj siamji!»
«U mianie vializnaja roźnica va ŭzroście z apošniaj žonkaj, bo ja jaje sustreŭ, kali jana była niemaŭlom! Jana lažała ŭ kałyscy… A potym, kali my sustrelisia ŭ darosłym žyćci, joj było 19 hadoŭ, a mnie 40 z hakam!»
«Nivodnaja žonka nie zmahła znajści mnie zamienu».
«Ja dobry baćka, ale dla žonak, chiba, niadobry muž».
«Adnojčy mnie prapanavali pravieści razvod. Ja spačatku nie razumieŭ, čaho jany chočuć. Jany pryjšli ŭdvoch. Hladžu, darosłyja ludzi. Dumaŭ, mo jubilej viasiella jaki. A jany kažuć: razvod! Heta było nastolki cikava. Kali jana ŭzdymaje kilišak i kaža: «Dy budź ty praklaty!» A jon: «I tabie taho ž, rodnaja!» Jany prosta kreatyŭnyja byli ludzi. Ale ja — nie, kožny raz heta było baluča, było nie da chochmaŭ», — raskazvaje zasłužany artyst.
-
«$10 tysiač — samy minimum». Niaviesta ŭ razhublenaści ad cen na «ścipłaje» viasielle i nie viedaje, ci vartaje jano taho
-
Ivulin: U mianie było rename «hrazy pieršakurśnic». Kožny hod ja, jak Źmiej Harynyč, prylataŭ i zabiraŭ samuju pryhožuju
-
Były forvard zbornaj Biełarusi Viačasłaŭ Hleb staŭ baćkam
Kamientary