Centr Łuhanska zaniali nieviadomyja ludzi ŭ vajskovaj formie biez znakaŭ adroźnieńnia, uzbrojenyja strałkovaj zbrojaj i minamiotami. Pra heta paviedamlaje «Novaja hazieta».
Uzbrojenyja ludzi nie pradjaŭlajuć nijakich patrabavańniaŭ, ale błakujuć dostup da administracyjnych budynkaŭ. Supracoŭniki ŭrada i Narodnaha savieta samaabvieščanaj Łuhanskaj narodnaj respubliki (ŁNR) raspuščany pa damach.
Pavodle danych «Novaj haziety», kiraŭnik ŁNR Ihar Płatnicki zahadaŭ uzbrojenym ludziam vyzvalić horad, adnak jany praihnaravali zahad. Svaju prysutnaść u horadzie jany tłumačać antyterarystyčnymi vučeńniami MUS ŁNR. U samym MUS admovilisia ad kamientaroŭ.
«My pracujem sumiesna z supracoŭnikami «Bierkuta»», - zajaviŭ adzin z uzbrojenych ludziej zdymačnaj hrupie.
Kiraŭnik Centra pa ŭzajemadziejańni z hramadskaściu MUS ŁNR Siarhiej Kaleśnikaŭ nie zmoh prakamientavać źjaŭleńnie ŭzbrojenych ludziej na vulicach Łuhanska, spasłaŭšysia na adsutnaść infarmacyi.

20 listapada Ihar Płatnicki adpraviŭ u adstaŭku kiraŭnika MUS samaabvieščanaj respubliki Ihara Karnieta. Pa dadzienych «Novoj haziety», Karniet admoviŭsia padparadkoŭvacca hetamu zahadu.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami

Kamientary