Chvaroba, jakaja doŭhi čas ličyłasia pieramožanaj — lohačnaja čuma, viarnułasia. Na Madahaskary ad jaje zahinuła ŭžo jak minimum 171 čałaviek, a kolkaść zaražanych pierakročyła 2100, paviedamlaje Irish Times.
Jašče 6 tydniaŭ tamu čuma była vyjaŭlena tolki ŭ 194 pacyjentaŭ, ale epidemija chutka pašyrajecca praz toje, što miascovyja žychary nie chočuć paddavacca karancinnamu režymu — i ŭciakajuć sa špitaloŭ, bo bajacca miedyčnych pracedur — i asabliva injekcyj.
Ułady Madahaskara namahajucca zabaranić miascovy rytuał ekshumacyi pamierłych dla apošniaha raźvitańnia šlacham tanca ŭsich rodzičaŭ niabožčyka ź im na rukach, bo heta spryčyniajecca da raspaŭsiudu epidemii.
Lohačnaja forma čumy pieradajecca praz pavietra — i moža zabivać na praciahu 24 hadzin ad momantu zaražeńnia. Raniej śmiarotnaść ad hetaj formy čumy składała amal 100 pracentaŭ. Zaraz — pry ŭmovie špitalnaha lekavańnia — ad 5 da 10.
Epidemii čumy ŭ historyi čałaviectva byli adkaznyja za śmierci dziasiatkaŭ miljonaŭ ludziej. U 1348 hodzie ad čumy ŭ Jeŭropie zahinuła amal 15 młn čałaviek, što ŭ toj čas składała čverć usiaho nasielnictva kantynentu. A słavutaja Justynijanava čuma (551-580) spryčyniłasia da śmierci bolš za 100 miljonaŭ čałaviek u Jehipcie i Jeŭropie i paskoryła raspad reštak Rymskaj impieryi.
Ciapier čytajuć
Siłaviki zatrymali lidara hurta «Pałac» Aleha Chamienku4
Kamientary