Papa Rymski Francysk ŭ nastupnym hodzie naviedaje Litvu, paviedamiła ŭ sieradu ahienctva BNS sa spasyłkaj na administracyju prezidenta Litvy.

«Vizit papy Francyska płanujecca vosieńniu nastupnaha hoda», — skazała pres-sakratar prezidenta Dajva Ulbinajcie. Pavodle jaje słoŭ, Vatykan u bližejšy čas pavinien abjavić dakładnuju datu i status vizitu.
Vizit papy ŭ Litvu budzie prymierkavany da stahodździa litoŭskaj dziaržaŭnaści. Estonskija ŚMI na hetym tydni paviedamili ab vierahodnym vizitu pantyfika ŭ Talin.
U vieraśni 1993 hoda Litvu naviedaŭ Papa Rymski Jan Pavieł II, jaki ŭznačalvaŭ Katalickuju carkvu z 1978 pa 2005 hod. Pavodle danych pierapisu 2011 hoda, viernikami Rymska-katalickaj carkvy źjaŭlajecca 77% nasielnictva Litvy.
Kamientary