U Nižnim Noŭharadzie ŭ subotu, 25 listapada, adbyŭsia mitynh u padtrymku apazicyjnaha palityka Alaksieja Navalnaha. Ułady dali apazicyjanieru placoŭku na ŭskrainie horada i zapłanavali ŭ centry horada na čas praviadzieńnia mitynhu moładzievy fiestyval.
Alaksiej Navalny ŭ Nižnim Noŭharadzie.
Jak adznačaje vydańnie «Kommiersant», pieršapačatkova štab Navalnaha prasiŭ čatyry placoŭki, raźmieščanyja bližej da centra. Adnak jamu admovili, a, akramia taho, na čas praviadzieńnia mitynhu byŭ pryznačany moładzievy fiestyval u centry horada. U vyniku na akcyju Navalnaha pryjšli bolš za tysiaču čałaviek.
«Vysłužvajecca pierad Kramlom novy hubiernatar, zahnaŭ nas až u Sormaŭski rajon. Spadziavaŭsia, što tak nichto nie pryjdzie… A ja vielmi rady tam vystupić. I vielmi ŭdziačny tym, chto pryjšoŭ. Nižni Noŭharad — najvažniejšy horad našaj kampanii. I my tut majem padtrymku», — napisaŭ Navalny ŭ svaim błohu. «Vydatny atrymaŭsia mitynh, tym bolš, što jon dla mianie byŭ asablivym — apošnija 20 sutak aryštu ja atrymaŭ za mitynh mienavita ŭ Nižnim», — nahadaŭ palityk.
Alaksiej Navalny ładzić mitynhi ŭ rasijskich haradach i płanuje bałatavacca na vybarach prezidenta Rasii ŭ sakaviku 2018 hoda.
Kiraŭnik Centralnaj vybarčaj kamisii Eła Pamfiłava zajaviła, što palityk pavodle zakonie zmoža ŭdzielničać u prezidenckich vybarach tolki paśla 2028 hoda, bo jon byŭ abvinavačany ŭ ciažkim złačynstvie. Havorka idzie pra spravu «Kiraŭlesa», pa jakoj Navalny ŭ 2013 hodzie atrymaŭ 5 hadoŭ umoŭna. Jaho abvinavacili ŭ kradziažy majomaści.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia19
Kamientary