Na poŭdni Italii palicyjanty zatrymali 52-hadovaha mužčynu, jaki na praciahu dziesiaci hadoŭ utrymlivaŭ ŭ seksualnym rabstvie žančynu z Rumynii. Pra heta paviedamlaje Lenta.ru sa spasyłkaj na La Corriere Della Sera.
Vyzvalić žančynu i jaje dziaciej udałosia vypadkova. Palicyjanty źviarnuli ŭvahu na minaka, jaki vioŭ za saboj brudnaha i źniasilenaha chłopčyka. Jany spynili mužčynu i vyrašyli pravieryć, u jakich umovach žyvie dzicia.
Pryjechaŭšy pa adrasie, palicyjanty byli ŭražanyja smurodam, jaki zychodziŭ z pamiaškańnia. Dla praviadzieńnia pieratrusu patrulnym pryjšłosia nadzieć achoŭnyja maski. Krynicaj smurodu akazaŭsia padvał: u pamiaškańni bieź śviatła i kanalizacyi palicyjanty ŭbačyli prykavanuju da žaleznaha łožka 29-hadovuju žančynu i trochhadovuju dziaŭčynku.
Vyśvietliłasia, što jana šmat hadoŭ tamu pryjechała z Rumynii i dapamahała pa haspadarcy žoncy svajho mučyciela. Paśla śmierci haspadyni udaviec zamknuŭ na toj momant 19-hadovuju dziaŭčynu ŭ padvale i vykarystoŭvaŭ jaje ŭ jakaści seksualnaj rabyni. Za čas svajho źniavoleńnia rumynka naradziła chłopčyka i dziaŭčynku. Ciapier paciarpiełaja razam ź dziećmi znachodzicca pad apiekaj sacyjalnych słužbaŭ.
Hvałtaŭnik byŭ nieadkładna ŭziaty pad vartu. Jamu pradjaŭlenyja abvinavačvańni ŭ zhvałtavańni, niezakonnym utrymańni čałavieka i naniasieńni pabojaŭ. Rehijanalny prakuror, jaki viadzie hetuju spravu, zajaviŭ, što za svaju 13-hadovuju praktyku nie sustrakaŭ ničoha padobnaha.
Ciapier čytajuć
«Stajać na svaim, kožny na kolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary