U Vajskovym zavułku nasuprać «Dypservisa» pabudujuć 4-paviarchovy ofisny budynak

Miarkujecca, što heta budzie 4-paviarchovy ofisny budynak z padziemnym haražom na 22 mašyny, na pieršym uzroŭni raźmieścicca kaviarnia. Pieradprajektnyja prapracoŭki budynka razhledzieli na pasiadžeńni haradskoj architekturna-horadabudaŭničaj rady. Padrabiaznaści — u karespandenta ahienctva «Minsk-Naviny».

Pavialičyć

Kiraŭnik kalektyvu prajekciroŭščykaŭ Aleh Varabjoŭ raspavioŭ, što vakoł raźmiaščajucca 2—3-paviarchovyja damy paślavajennaj pabudovy, adnak pa apošnim hienpłanie Minska tut znachodzicca zona hramadska-dziełavoha pryznačeńnia. Pa zaklučeńni UP «Minskhrad», novyja budynki, jakija mohuć źjavicca na miescy tych, što rujnujucca, pavinny być nie vyšejšymi za 4—5 pavierchaŭ, što ŭličana pry prajektavańni. Adsieleny dom, jak i susiednija budynki, nie źjaŭlajecca historyka-kulturnaj kaštoŭnaściu, tamu ź inšymi abmiežavańniami architektary nie sutyknulisia.

Adnak u členaŭ rady paŭstaŭ šerah zaŭvah. Pieršaje — da kolkaści parkovačnych miescaŭ. Sioleta pamianialisia normy raźliku stajanak dla takich pabudoŭ, takim čynam, zamiest zaprajektavanych 22 mašyna-miescaŭ patrabujecca značna bolš. Praŭda, hałoŭny architektar UP «Minskhrad» Alaksandr Akienćjeŭ vykazaŭ svoj punkt hledžańnia: raźmiaścić u centry horada pry rekanstrukcyi patrebnuju kolkaść parkovak nierealna. Dy i naŭrad ci treba, kali pobač prachodzić mietro i niama prablem z transpartnym złučeńniem. Ale pytańnie pa parkoŭcy napeŭna ŭźniknie i pry ŭzhadnieńni prajekta.

Zakranuli padčas abmierkavańnia i inšyja temy.

— Vy prymudrylisia zaniać budynkam praktyčna ŭvieś vydzieleny ŭčastak, — zaŭvažyŭ hałoŭny architektar Minska Pavieł Łučynovič. — Kali z časam pačniecca rekanstrukcyja susiednich damoŭ, to ŭźniknuć ciažkaści.

Jaho padtrymali kalehi.

— Ukaranieńnie lubych abjektaŭ u histaryčnyja kvartały mahčyma tolki pry kompleksnaj horadabudaŭničaj prapracoŭcy terytoryi, inakš nie paźbiehnuć prablem, — vykazaŭ ahulnaje mierkavańnie namieśnik staršyni Biełaruskaha sajuza architektaraŭ Alaksandr Piatroŭ.

Prajekciroŭščyki paraili ŭličyć sprečnyja momanty pry dalejšaj pracy. Jašče adna zaŭvaha tyčyłasia zakrytaści budučaha budynka (jaho płanujecca adździalić ad vulicy płotam).

— U centry horada nieabchodna zabiaśpiečyć maksimalny dostup chacia b na pieršyja pavierchi budynkaŭ, dzie raźmieščanyja, naprykład, kafe abo inšyja patrebnyja minčukam abjekty. Tamu płot tut sapraŭdy lišni, — prahučała na radzie.

• 0
• 0
• 0
• 0
• 0
• 0
• 0
• 0