Navina ab tym, što žonka ŭkrainskaha prezydenta Piatra Parašenki Maryna niačystaja na ruku źjaviłasia na sajcie vydańnia Luxembourg Herald, 14 listapada 2017 hodu. «Žonka ŭkrainskaha prezydenta, mahčyma, zamiašanaja ŭ kradziažy hrošaj, pryznačanych dla dziaciej-invalidaŭ», — napisała jano.
Navina chutka raspaŭsiudziłasia ŭ rasiejskim sehmencie internetu. Pryčym užo biaz słova «mahčyma», a jak dakładnaja infarmacyja.
Miž tym, jak piša Radyjo «Svaboda», prostaja pravierka vyklikaje sumnievy adnosna praŭdzivaści naviny. Sajt Luxembourg Herald byŭ stvorany tolki ŭ 2016 hodzie, što dziŭna dla sapraŭdy aŭtarytetnaha vydańnia. Asnoŭny adras pošty redakcyi — biaspłatnaja pošta Gmail.
Inšyja krynicy ich abvinavačvańni na adras Maryny Parašenki nie paćviardžajuć, a samo vydańnie ihnaruje prośby dać dokazy historyi z žonkaj prezydenta Ŭkrainy.
Za ŭvieś čas isnavańnia Luxembourg Herald nia vydała nivodnaha hučnaha raśśledavańnia. Siarod hałoŭnych navinaŭ na sajcie ciapier — artykuł «Luksemburh zrabiŭsia pradstaŭnictvam biełaruskaj biznes-inicyjatyvy».
U artykule pišacca pra biełaruska-eŭrapiejski ekanamičny forum z udziełam premjer-ministra Biełarusi Andreja Kabiakova, jaki nibyta prajšoŭ na hetym tydni, choć nasamreč jon adbyŭsia jašče ŭ kancy kastryčnika.
Ale zahałoŭki pra žonku Parašenki biez sumnievaŭ źjavilisia na federalnych rasiejskich ŚMI:
«Pieršaja łedzi Ukrainy źviazanaja z admyvańniem srodkaŭ praź mižnarodnyja humanitarnyja fondy», — paviedamiła 18 listapada teleprahrama «Vieści».
«Havorka idzie pra sotni miljonaŭ dołaraŭ», — dadaŭ u toj ža dzień telekanał «Caŕhrad TV».
«Maryna Parašenka asabista kantralavała hetuju dziejnaść i aktyŭna ŭdzielničała ŭ reklamnym prasoŭvańni «fondaŭ-adnadzionak», — dałučyŭsiada vykryvańnia liberalny telekanał «Dožd́» na nastupny dzień, 19 listapada.
«Schiema kradziažu była niemudrahielistaja: dabračyncam padavalisia lipavyja finansavyja spravazdačy», — paviedamiŭ kanał TVC.
Da temy «va ŭładzie va Ukrainie złodziei» chutka dałučylisia i sacsietki. «Siemiejka kliptomanov», — taŭrujuć muža i žonku Parašenka karystalniki VKontaktie (arfahrafija aŭtarskaja).
Na sajcie telekanału «Dožd́» artykuł pra Marynu Parašenku, niahledziačy na hnieŭnyja kamentary karystalnikaŭ, pravisieŭ bolš za sutki, i tolki potym byŭ źniaty — biez tłumačeńnia. Ale ŭ astatnich rasiejskich vydańniach navina ŭsio jašče dastupnaja.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary