Hałoŭnaje ŭpraŭleńnie palicyi Kijeŭskaj vobłaści paviedamlaje pra trahičny vypadak, jaki adbyŭsia 28 listapada.

Dvoje biełarusaŭ i rasijanka niezakonna pranikli na terytoryju adsielenaha zakrytaha vajskovaha abjekta «Čarnobyl-2». Adzin ź biełarusaŭ dla jarkich uražańniaŭ vyrašyŭ abrać radyjołakacyjnuju vyšku, adnak nie raźličyŭ svaje siły i sarvaŭsia z 15-mietrovaj vyšyni. Daktaram zastałosia tolki kanstatavać śmierć.
Pa dadzienym vypadku zaviedzienaja kryminalnaja sprava pa artykule 115 č.1 KK Ukrainy «Naŭmysnaje zabojstva» z papraŭkaj na niaščasny vypadak. Na spadarožnikaŭ zahibłaha składzienyja administracyjnyja pratakoły.
Paźniej stała viadomaje imia zahibłaha, im akazaŭsia 33-hadovy žychar Žodzina Dźmitryj Škindzier. Heta daśviedčany stałkier, jaki nieadnarazova byvaŭ u padobnych vypravach.

Dva hady tamu «NN» brała intervju ŭ Dźmitryja Škindziera. U cyvilnym žyćci Dźmitryj pracavaŭ prarabam, byŭ žanaty, mieŭ dvuch dziaciej. U 2011 hodzie jon zajmieŭ chobi — być stałkieram. Užo na 2015 hod jon mieŭ siem vypravaŭ u Čarnobylskuju zonu.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary