U paniadziełak u krymskim horadzie Kierč mužčyna vyklikaŭ palicyju na žančynu, jakaja nibyta chacieła zabrać jahonaha syna. Usio akazałasia dakładna naadvarot: praz 4 hady maci znajšła vykradzienaha i vyviezienaha ź Biełarusi syna, paviedamlaje Tut.By
U červieni 2013-ha baćka chłopčyka, jak zvyčajna, uziaŭ syna na vychodnyja da siabie ŭ Homiel — i źnik razam ź im. Chłopčyka abviaścili ŭ mižnarodny vyšuk.
U dzień naradžeńnia chłopčyka, 19 listapada 2017-ha, pašukaviki z atrada «Anioł» paprasili rasijskich kalehaŭ jašče raz raźmiaścić aryjentoŭku. I zdaryŭsia cud: z Kierčy patelefanavali dźvie žančyny — jany viedali dzicia.
Maci ŭ śpiešnym paradku sabrała ŭsie nieabchodnyja dakumienty i adna adpraviłasia za synam. Adnak adrazu zabrać chłopčyka nie atrymałasia. Były muž vyrašyŭ pryciahnuć na svoj bok miascovych žurnalistaŭ, źviarnuŭšysia ŭ kierčanskuju presu.
«Pryjazdžajcie, tut adna hramadzianka sprabuje pa papiercy, pa ksierakopii, vykanać rašeńnie zamiežnaha suda. (…) Tut niejkija dźvie baby spačatku jaho siłaj ciahnuli, potym supracoŭniki palicyi spynili biaźmiežža. Jany mocna napałochali dzicia», — publikuje vydańnie kerch.fm aŭdyjozapis razmovy ź miascovym žycharom Alaksandram. Heta akazaŭsia toj samy Alaksandr Smoleŭ u vyšuku.
Mužčyna zmaŭčaŭ, što byłuju žonku supravadžali supracoŭniki palicyi i orhany apieki.
Sama biełaruska na kamieru žurnalistam padzialiłasia biadoj: «Čatyry z pałovaj hady pa ŭsim biełym śviecie: z hazietami, z pošukavikami». Jana pakazała pašpart syna, aryhinał jaho paśviedčańnia ab naradžeńni i dziciačyja fota. A taksama rašeńnie suda listapad 2013-ha ab pazbaŭleńni baćki dziciaci baćkoŭskich pravoŭ za parušeńnie paradku sustreč — za toje, što faktyčna vykraŭ chłopčyka.
Mama chłopčyka prosić dapamohi ŭ biełaruskich śpiecyjalistaŭ u adaptacyi dziciaci.
«A ciapier ja maru uskočyć u hety samalot i palacieć choć kudy!» — skazała jana padčas razmovy z žurnalistam viečaram 28 listapada za niekalki hadzin da vyletu.
Śviatłana spadziajecca, što ŭžo ŭ sieradu ranicaj jana budzie z synam doma ŭ Minsku.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary