U kazachstanskim horadzie Ałmaty vulicu Furmanava, jakaja źjaŭlajecca adnoj z hałoŭnych, pierajmienavali ŭ praśpiekt imia Nursułtana Nazarbajeva, prezidenta Kazachstana. Ab hetym paviedamlajecca na sajcie horada.
Jak adznačajecca ŭ paviedamleńni, rašeńnie ab pierajmienavańni vulicy było pryniata padčas siesii miascovaha pradstaŭničaha orhana, maślichata. Kiraŭnik Ałmaty Bauyržan Bajbiek raspavioŭ, što paśla ŭniasieńnia ŭ kamisiju prapanovy ab pierajmienavańni 112 vulic pastupili prośby ad hramadzian, a mienavita ad pradstaŭnikoŭ intelihiencyi, arhanizacyj, haradžan i asabliva moładzi, ab prysvajeńni imia Nazarbajeva vulicy Furmanava.
«Mienavita tut pa inicyjatyvie Jełbasy (prezidenta Kazachstana) prymalisia rašeńni ab pryniaćci kanstytucyi, nacyjanalnaj valuty, stvareńni Uzbrojenych sił, zaćviardžeńni dziaržaŭnych simvałaŭ, zakryćci Siamipałacinskaha palihona. Tamu łahična, što padobnaje rašeńnie prymajecca mienavita ŭ horadzie Ałmaty», - skazaŭ kiraŭnik horada.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary