Kab vykanać zahad pra zarobak 1000 rubloŭ, rabotnikaŭ prymušajuć brać adhuły za svoj košt

«Naša Niva» atrymała taki list z Babrujska:
«Z nahody apošnich padziej nakont dasiahnieńnia siaredniemiesiačnaha zarobku u 1000 rublej u śniežni. Chočacca raspavieści, jak vyrašajuć kiraŭniki pradpryjemstva AAT «Kirujučaja kampanija chołdynhu «Babrujskahramaš» hetaje pytańnie.
Na pradpryjemstvie idzie vusny zahad z boku niepasrednych kiraŭnikoŭ pra nieabchodnaść napisać zajavu na adhuł na 8—10 dzion za svoj košt. Pry hetym pracoŭnyja abaviazany zastavacca na svaich pracoŭnych miescach i pracavać jak ni ŭ čym nie byvała. Składajucca hrafiki, chto pavinien «syści ŭ adhuł» u jaki dzień, kab paśla nie ŭźnikła błytaniny.
Niezadavolenym i tym, chto admaŭlajecca pisać zajavy, prapanujuć adrazu prajści da dyrektara dla vyrašeńnia pytańniaŭ.
Pry hetym abiacajuć, što zarobak za śniežań zastaniecca na raniejšym uzroŭni. H.zn. pa dakumientach čałaviek za miesiac adpracavaŭ z dvaccaci rabočych dzion tolki 10, ale zarpłatu jon atrymaŭ jak i raniej, za ceły miesiac. Adpaviedna, potym siaredniuju zarpłatu paličać, zychodziačy ŭžo z poŭnych pracoŭnych dzion za miesiac. I jana ŭžo budzie pieravyšać abiacanyja 1000 rubloŭ, ale, na žal, tolki na papiery».
Ad redaktara
Anałahičnuju infarmacyju my atrymali ad supracoŭnikaŭ Biełaruskaj čyhunki. Stan ich pradpryjemstva taksama nie dazvalaŭ dasiahnuć realnaha zarobku 1000 rubloŭ, tamu i ŭ ich rabotnikaŭ prymušali pisać zajavy pra adpačynak «za svoj košt» na častku dzion, kab daciahnuć dekłaravany zarobak da zahadanaha. I ludzi pišuć, bo bajacca zvalnieńnia.
«Naša Niva» na praciahu troch dzion namahałasia źviazacca z kiraŭnictvam «Babrujskahramaša», ale nam usie dni kazali, što dyrektara i jaho namieśnika pa ekanamičnych pytańniach niama na pracy.
-
«Temu hienacydu biełaruskaha naroda prydumali rasijanie i padsunuli heta ŭ jakaści scenaryja dla mabilizacyi biełarusaŭ»
-
Ci možna budavać Biełaruś pa-za miežami Biełarusi? Dyskutavali Jahoraŭ, Harbacki, Juhasia Kalada
-
«Darahija rasiejskamoŭnyja biełarusy! Vy pakidajecie niezamknionymi dźviery chaty, za jakimi ŭžo staić kodła bandytaŭ»
Kamientary