Złučanyja Štaty nie buduć stanavicca ŭdzielnikami hłabalnaha pahadnieńnia ab mihracyi, jakoje płanujecca pryniać u 2018 hodzie, bo jano nie adpaviadaje intaresam krainy. Pra heta abviaściła ŭ subotu pastajannaje pradstaŭnictva ZŠA pry AAN, paviedamlaje TASS.
«Siońnia [u subotu] misija ZŠA pry AAN painfarmavała hienieralnaha sakratara AAN ab tym, što Złučanyja Štaty spyniajuć svoj udzieł u hłabalnym pahadnieńni ab mihracyi», — havorycca ŭ paviedamleńni pastajannaha pradstaŭnictva.
U dypmisii nahadali, što ZŠA pahadzilisia ŭdzielničać u pracesie raspracoŭki damovy ŭ 2016 hodzie, kali prezidencki post zajmaŭ demakrat Barak Abama. Pry im amierykanski bok dałučyŭsia da Ńju-Jorkskaj dekłaracyi, pryniataj 19 vieraśnia 2016 hoda.
U joj usio 193 krainy AAN abaviazalisia pryniać u 2018 hodzie dva hłabalnyja pahadnieńni, jakija buduć tyčycca kiravańnia patokami mihracyi i zachadaŭ u dačynieńni da ŭciekačoŭ.
«Ńju-Jorkskaja dekłaracyja źmiaščaje mnostva pałažeńniaŭ, jakija nie adpaviadajuć palitycy ZŠA ŭ halinie mihracyi i ŭciekačoŭ, a taksama pryncypam administracyi [dziejučaha prezidenta Donalda] Trampa», — havorycca ŭ zajavie amierykanskaj dypmisii.
Kamientujučy hety krok Vašynhtona, stały pradstaŭnik ZŠA pry AAN Niki Chejli zajaviła, što «Amieryka hanarycca svaim imihranckim pachodžańniem», a taksama «lidarstvam u akazańni padtrymki mihrantam i ŭciekačam» va ŭsim śviecie. «Ni adna kraina nie zrabiła bolš, čym Złučanyja Štaty, i naša ščodraść praciahniecca», — śćviardžała dypłamat.
Pavodle jaje słoŭ, amierykanski bok maje namier sam vyznačać svaju mihracyjnuju palityku. «My sami budziem vyrašać, jak lepš kantralavać svaje miežy i kamu budzie dazvolena ŭjazdžać u našuju krainu. Hłabalny padychod u [asnovie] Ńju-Jorkskaj dekłaracyi paprostu idzie nasupierak suvierenitetu ZŠA», — padkreśliła Chejli.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary