Urad Polščy maje vyłučyć kala 20 młn złotych na finansavańnie dziejnaści telekanała «Biełsat» u 2018 hodzie. Heta bolš za 4 młn 760 tys. jeŭra ŭ ekvivalencie, paviedamlaje partał press.pl.
Takuju sumu telebačańnie atrymaje dziakujučy papraŭcy ŭ polski zakon ab biudžecie, jakuju na razhlad u Kamisiju publičnych finansaŭ uniesła adna z deputatak kiroŭnaj kansiervatyŭna-katalickaj partyi «Prava i spraviadlivaść», paviedamlaje Polskaje Radyjo.
Pavodle resursu, mahčymaść, što papraŭka nie budzie pryniataja deputatami, raŭniajecca amal nulu, pakolki jaje pryniaćcio padtrymlivaje kiraŭnik kiroŭnaj partyi Jarasłaŭ Kačyński, jakoha nazyvajuć «čałaviekam numar adzin» u polskaj dziaržavie.
Aficyjny pradstaŭnik «Biełsatu» u Biełarusi Alaksiej Minčonak skazaŭ «Našaj Nivie», što plenarnaha hałasavańnia pa papraŭcy ŭ polskim parłamiencie pakul nie było, ale jon spadziajecca na dobry vynik.
Štohod na funkcyjanavańnie «Biełsatu» patrebna 27—28 młn złotych. Da 2016 hoda MZS Polščy davała sa svajho biudžetu na telekanał ad 16 młn da 20 młn złotych u zaležnaści ad hodu. Častka hrošaj pastupała ad zamiežnych hrantadaŭcaŭ, uradaŭ dy kampanij.
30 śniežnia 2016 hoda Ministerstva zamiežnych spravaŭ Polščy ŭ adnabakovym paradku spyniła pahadnieńnie ab finansavańni «Biełsatu». 10 śniežnia telebačańnie adznačyć 10-hadovy jubilej.
-
ZŠA pracujuć nad miescam sustrečy Trampa, Pucina i Zialenskaha ŭ kancy nastupnaha tydnia
-
Pryjarytet — spynieńnie ahniu. Zialenski i jeŭrapiejskija lidary parazmaŭlali z Trampam
-
«Ja nie dyktatar, mnie ŭ hałavu nie pryjdzie źmianiać Kanstytucyju». Prezident Sierbii Vučyč zajaviŭ, što nie pojdzie na treci termin
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju17
Kamientary