Apošni siezon papularnaha telesieryjała «Kartačny domik» budzie zapuščany ŭ vytvorčaść u 2018 hodzie biez udziełu Kievina Spejsi, piša Bi-bi-si.
Viadomy kinaakcior, jaki apynuŭsia niadaŭna ŭ centry seks-skandału, užo źniaŭsia ŭ niekalkich epizodach finalnaha šostaha siezona telesieryjała firmy Netflich. Ale, jak zajaviŭ kiraŭnik firmy Ted Sarandas, u zaklučnych epizodach siezona viadučaja rola advodzicca aktrysie Robin Rajt, jakaja hraje žonku byłoha prezidenta Frenka Andervuda.
U knizie Majkła Dobsa, na asnovie jakoj zdymajecca telesieryjał, Frenk Andervud pamiraje, tak što ź siužetnaha punktu hledžańnia źniknieńnie piersanaža nie pavinna stać prablemaj.
U pačatku listapada Netflix abviaściła pra razryŭ supracoŭnictva sa Spejsi, jakoha abvinavacili ŭ seksualnych damahańniach. Tady ž vyśvietliłasia, što Netflich admovicca ad zdymak bijahrafičnaha filma pra Hora Vidala, u jakim Spejsi pavinien byŭ vykanać hałoŭnuju rolu.
Finalny siezon «Kartačnaha domika» budzie składacca z vaśmi epizodaŭ. Siužet pakul nie viadomy.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary