Sto hadoŭ tamu, 5 śniežnia 1917, u Miensku pad bieł-čyrvona-biełym ściaham pačaŭsia Pieršy Usiebiełaruski źjezd, jaki abvieściŭ prava biełaruskaha naroda na samavyznačeńnie i demakratyju. Praz try miesiacy, u sakaviku 1918-ha, była abvieščanaja niezaležnaja Biełaruskaja Narodnaja Respublika.
Da 100-hodździa abviaščeńnia BNR dy pryznańnia bieł-čyrvona-biełaha ściaha dy hierba «Pahonia» dziaržaŭnymi simvałami Biełarusi Symbal.by i tvorčaje abjadnańnie «Inakš» prezientavali videarolik «Skarb».
«Pieršapačatkovaja ideja była — źniać pryhožy, natchnialny rekłamny rolik bieł-čyrvona-biełamu ściahu, — piša Pavieł Biełavus. — Pahladzieć na jaho, jak pradukt, i hałoŭny abjekt rekłamy.
U vyniku nie viedaju ci atrymaŭsia ŭ nas rekłamny rolik ci heta lepš nazvać imidžavaje videa ci jašče jak, moža Marketing.by padkaža, ale vielmi chočacca, kab vy jaho pahladzieli.
Siońnia važny dzień u historym našaj krainy, bo ŭ hety dzień 100 hadoŭ nazad u Miensku, šmat krynic havoryć što ŭžo tady pad bieł-čyrvona-biełym ściaham, pačaŭsia Pieršy Usiebiełaruski źjezd. Heta byŭ pieršy i značny krok u pracesie stanaŭleńnia biełaruskaj dziaržaŭnaści, jaki pryvioŭ da abviaščeńnia niezaležnaści Biełaruskaj Narodnaj Respubliki 25 sakavika 1918 hoda, bieź jakoha mahło i nie być sučasnaj Respubliki Biełaruś.
I, dziakujučy padziejam 1917-1918 hadoŭ, užo naprykancy XX stahodździa, u 1991 hodzie, bieł-čyrvona-bieły ściah i hierb «Pahonia» stali dziaržaŭnymi simvałami Respubliki Biełaruś. Što b ni adbyvałasia dalej, ale statusu pieršych dziaržaŭnych simvałaŭ niezaležnaj Biełarusi ŭ ich užo nie adabrać.
Dziakuj Tvorčaje abjadnańnie «inakš» razam z Uładzisłaŭ Karpaŭ dy Maksim Hrynievič, jakija ŭsio heta zrabili, a taksama našym aktoram Pavieł Arakielan, Ales Plotka, Uładzimir Bośka, jakija adhuknulisia i padtrymali ideju».
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary