Leŭ Sapieha, «Pahonia» i Kalinoŭski, cikavy padychod da represij: što pakazvajuć u muziei KDB?
U honar 100-hadovaha jubileju Kamiteta dziaržaŭnaj biaśpieki śpiecsłužba vykłała ŭ adkryty dostup virtualnuju kopiju svajho muzieja, jaki zvyčajna zakryty dla naviednikaŭ z vulicy.
Što za ekspazicyja ŭ muziei KDB? Jak kažuć u viedamstvie, u muziei znachodziacca tolki toje, što maje niepasrednaje dačynieńnie da tradycyj sakretnych słužbaŭ na terytoryi sučasnaj Biełarusi.
Tak, pačynajecca ekspazicyja z daŭnich časoŭ — jašče ad Połackaha kniastva, naviednikaŭ sustrakajuć łuk i skryžavanyja streły.
Dalej zhadvajucca kniazi VKŁ, tłumačycca rola vyviednikaŭ u tyja časy. Pra samu dziaržavu muziej, darečy, paviedamlaje, što jaje nasielnictva «na 4/5 składałasia ź biełarusaŭ».
Taksama zhadvajecca «viadomaja na ŭsio Jeŭropu» Emilija Plater — udzielnica antyrasijskaha paŭstańnia, Kastuś Kalinoŭski, słužby časoŭ Rasijskaj Impieryi.
Jość palica z kanfiskavanaj zbrojaj i dakumientami, raskazvajecca pra niekatoryja apieracyi KDB u najnoŭšaj historyi, zhadvajucca rabotniki NKVD u Druhoj Suśvietnaj vajnie, apieracyi časoŭ vajny ŭ Afhanistanie.
Jość navat makiet siadziby Dziaržynskich i hierb «Pahonia».
Raskazvajecca taksama pra baraćbu z UPA, arhanizacyjami kštałtu «Zialonaha Duba».
Ź niečakanaha rakursu pakazvajucca represii ŭ hody «Vialikaha teroru» — sajt KDB robić akcent na paciarpiełych «čekistach», pra trahičnyja losy sotniaŭ tysiač inšych biełarusaŭ nie zhadvajecca (prynamsi ŭ internecie — usie teksty razhledzieć niemahčyma).
Aznajomicca z usioj ekspazicyjaj možna pa spasyłcy.
Ciapier čytajuć
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary