Novy kiraŭnik Słužby biaśpieki Łukašenki vučyŭsia ŭ PTV handlu na pradaŭca
Lidar Respublikanskaha hramadzianskaha abjadnańnia «Pierśpiektyva» Anatol Šumčanka zhadaŭ, što ŭ 1992-1993 vučyŭsia razam z novym kiraŭnikom Słužby achovy prezidenta Dźmitryjem Šachrajevym. Paśla adzinaccaci kłasaŭ jany pastupili ŭ minskaje PTV №222 handlu na pradaŭca charčovych tavaraŭ.
«Byŭ šalony konkurs: dziesiać čałaviek na miesca. U nas u hrupie było ŭsiaho čatyry chłopcy, astatnija — dziaŭčyny. Troje chłopcaŭ vielmi dobra siabravali, trymalisia razam. Siarod ich byli ja i Šachrajeŭ», — zhadvaje Šumčanka.
Čytajcie taksama: Chto takija Šachrajeŭ i Paŭlučenka, jakija ŭznačalili Słužbu achovy prezidenta i Apieratyŭna-analityčny centr?
Šachrajevu na siońnia kala 42 hadoŭ, jon minčuk. «Čamu my pajšli vučycca ŭ PTV handlu? Razvał SSSR, kartkavaja sistema. Miaśnik na hetym fonie hladzieŭsia vielmi błatnoj prafiesijaj. Prynamsi, zaŭsiody pry miasie. Nijakaj palitykaj my tady nie cikavilisia, byli inšyja pytańni. Siońnia viesieła ŭzhadvać tyja časy, jak my prachodzili praktyku ŭ mahazinie ŭ Sierabrancy. Ja stajaŭ za palicaj, Dzima raździełvaŭ miasa», — uspaminaje Šumčanka.
Pradprymalnicki lidar kaža, što pra Šachrajeva ŭ jaho zastalisia tolki samyja ciopłyja ŭspaminy. «Vydatny chłopiec, nijakich kiepskich uspaminaŭ pra jaho niama. Tolki dzieści hod tamu daviedaŭsia, što jon pracuje ŭ Słužbie achovy, a ciapier voś uznačaliŭ. Ja liču, što čałaviek na svaim miescy. A jašče bolšaja vartaść jahonaj pracy była b, kali b jon achoŭvaŭ prezidenta, jakoha abiraje narod».
«Cikava, jak žyćcio pavaročvajecca ŭ ludziej. Voś my adnahrupniki. Dzima Šachrajeŭ staŭ kiraŭnikom Słužby achovy Łukašenki. A ja staŭ pradprymalnickim lidaram, zmahajusia z hetaj uładaj. I samaje cikavaje, što historyja na hetym jašče nie skončyłasia, i ŭsio moža paviarnucca jak zaŭhodna», — razvažaje lidar «Pierśpiektyvy».
Šumčanka nie viedaje, jak składvaŭsia ŭ Šachrajeva los paśla PTV. «Jon byŭ vielmi spartovym chłopcam. Składzieny adpaviedna. Hety byŭ cudoŭny čas. My razam jeździli na bulbu, hulali ŭ baskietboł. Dzima zaŭsiody byŭ prostym i nadziejnym čałaviekam».
***
Na telehram-kanał «Našaj Nivy» možna padpisacca tut.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary