Prezident ZŠA Donald Tramp zakanadaŭča zabaraniŭ vykarystańnie praduktaŭ «Łabaratoryi Kaśpierskaha» amierykanskim uradam, piša Radyjo Svaboda.
Adpaviednaje pałažeńnie źmieščanaje ŭ abaronnym biudžecie ZŠA na 2018 finansavy hod. Pra heta paviedamlaje Reuters.
Uletku ŭłady ZŠA zabaranili ŭradavym strukturam krainy vykarystoŭvać prahramy «Łabaratoryi Kaśpierskaha» z-za padazreńniaŭ u suviaziach z Kramlom i rasiejskimi śpiecsłužbami. «Łabaratoryja Kaśpierskaha» supracoŭnictva admaŭlaje. Kampanija paabiacała ŭ pačatku 2018 hoda raskryć zychodny kod prahram i ich budučych abnaŭleńniaŭ, kab ich mahli pravieryć niezaležnyja ekśpierty.
U kancy kastryčnika «Łabaratoryja Kaśpierskaha» pryznała, što ich pradukt zahruziŭ u «vobłaka» archiŭ z fajłami, paznačanymi jak sakretnyja. Kiraŭnik kampanii Jaŭhien Kaśpierski zajaviŭ, što fajły, jakija mieli dačynieńnie da Ahienctva nacyjanalnaj biaśpieki ZŠA, byli atrymanyja «vypadkova». Pa słovach Kaśpierskaha, ich vydalili adrazu ž paśla taho, jak jamu było ŭkazana na ich sakretny charaktar.
U Brytanii dziaržustanovam taksama zabaranili vykarystoŭvać rasijskija antyvirusnyja prahramy «Łabaratoryi Kaśpierskaha». Papiaredžańnie vypuściŭ Centr nacyjanalnaj kibierbiaśpieki.
Kamientary