Zamiest dyskusij ab biaśpiecy budučaj Biełaruskaj AES Alaksandr Łukašenka prapanavaŭ krainam-susiedziam zadumacca ab kupli jaje enierhii. Pra heta jon zajaviŭ na plenarnym pasiadžeńni II Źjezda vučonych Biełarusi, paviedamlaje Tut.by.

«Razmovy praciahvajucca i jašče, mahčyma, buduć pastajanna źjaŭlacca. Skažu prama našym susiedziam, pierš za ŭsio tym, chto mocna pieražyvaje za budaŭnictva našaj stancyi. Biaśpieka — heta naš kłopat. My pierš za ŭsio zacikaŭleny ŭ biaśpiecy stancyi», — raspavioŭ kiraŭnik krainy.
«Zamiest taho, kab tarpiedavać niekatoryja pytańni budaŭnictva AES — my ž usio roŭna jaje pabudujem, jak by kamuści hetaha nie chaciełasia — heta nie naša nou-chau, u śviecie sotni takich błokaŭ, my pabudujem svaje dva. Zamiest hutarak ab spynieńni budaŭnictva abo zakryćci AES ja prapanuju: davajcie razam padumajem, jak ekspłuatavać i atrymać tannuju enierhiju», — prapanavaŭ Łukašenka.
Jon nahadaŭ, što paśla źjaŭleńnia stancyi ŭ Biełarusi budzie praficyt enierhii — varta padumać, jak zabiaśpiečyć joju i susiedziaŭ, jakija pakul «palityzujuć hetuju prablemu».
Jon taksama zakranuŭ temu kadraŭ dla stancyi.
«Ihnalinskuju AES u Litvie začynili, tysiačy ludziej byli vykinutyja na vulicu — ludzi piśmiennyja i vysoka padrychtavanyja, ich u śviecie adzinki, štučny tavar. I heta (Biełaruskaja AES) dla ich heta budzie miescam pracy. My nie napružvajemsia, što da nas pryjduć pracavać hramadzianie Litvy ci inšych dziaržaŭ, buduć biełarusy razam z rasiejcami ekspłuatavać. Treba dumać, što ŭžo praź dziesiać, kali nie dvaccać, pałova ad spažyvańnia pradpryjemstvaŭ i hramadstva budzie zamieščana na čystuju enierhiju. Elektryčnaja enierhija — hetaja čystaja enierhija, jakaja dastupnaja ŭsim», — adznačyŭ kiraŭnik Biełarusi.
Kamientary