U Litaraturnym instytucie imia M. Horkaha płanujuć adkryć biełaruskuju hrupu, jakaja zajmajecca mastackim pierakładam, paviedamiŭ rektar maskoŭskaj VNU Alaksiej Varłamaŭ, piša interfax.by.
«Naša navučalnaja ŭstanova maje namier adkryć hrupu biełaruskich pierakładčykaŭ. Zaprašajem moładź dla asvajeńnia mastackaha pierakładu z ruskaj na biełaruskuju i ź biełaruskaj na ruskuju movy», — skazaŭ A. Varłamaŭ na pres-kanfierencyi ŭ paniadziełak u Minsku.
«Mastacki pierakład, jaki zajmaje važnaje miesca ŭ supracoŭnictvie litaratur, znachodzicca ŭ zaniapadzie. A kolkaść maładych śpiecyjalistaŭ, jakija viedajuć movy narodaŭ Rasii i słavianskija movy, vielmi małaja. Stvareńnie biełaruskaj hrupy — heta naša reakcyja na situacyju, jakaja skłałasia», — zajaviŭ rektar.
Pa słovach A. Varłamava, budzie abjaŭleny konkurs, pa vynikach jakoha rekamiendujuć pretendentaŭ na pastupleńnie ŭ hrupy, jakija zajmajucca tvorčym pierakładam. «Nieŭzabavie na sajcie instytuta my damo dakładnuju infarmacyju, što datyčycca ŭmoŭ. Ciapier možna skazać, što tyja, chto vyrašyć udzielničać, pavinny buduć pradstavić svaje pierakłady, prozu ci vieršy. Udzielniki, jakija damahlisia dobrych vynikaŭ, atrymajuć padtrymku Rassupracoŭnictva», — adznačyŭ A. Varłamaŭ.
Kamientary