Art Siadziba (Mašerava, 18). Pačatak a 19:00.
«Farby dušy» Janiny Pinčuk — heta lohkaja, pavietranaja, letuciennaja, poŭnaja jarkich farbaŭ, pryjemnych vodaraŭ i kviacistych vobrazaŭ paezija.
Jaki koler maje Advent?
Koler sini, jak zimnija nočy,
Koler srebny, jak maładzik,
Što za nami z-za drevaŭ sočyć,
Jak adzieńnie ŭ kardynała,
Jon čyrvony, i jak arabina,
Jak lubimyja šapka i kubak
I hili na taniutkich halinach…
Janina Pinčuk jašče i mastačka. Adnu ź jaje karcinaŭ vy možacie pabačyć na vokładcy knihi.
Na imprezie Janina nie tolki adkaža na pytańni čytačoŭ, padpiša žadajučym knihi i začytaje niekalki svaich vieršaŭ, ale jašče i namaluje śviatočnuju karcinu na forzacy asobnika adnamu z udzielnikaŭ imprezy.
Šlacham łatarei, siarod tych, chto nabyŭ knihu, budzie vyznačany pieramožca, jaki i atrymaje ŭ svaim asobniku nie tolki podpis ad aŭtarki, ale i nievialičkuju karcinu.
Udzieł u imprezie voźmie i paetka Kaciaryna Hłuchoŭskaja, aŭtarka knihi vieršaŭ «Kali drevy rastuć z hałavy».
Farby dušy» — nie pieršaja kniha Janiny. Aŭtarka debiutavała ŭ 2016 hodzie z knihaj «Horad Mroj», vydadzienaj taksama vydaviectvam «Halijafy». Sioleta hetaja kniha była naminavana na Premiju Hiedrojca.
Akramia knih, na prezientacyi možna budzie nabyć śviatočnyja paštoŭki ź vieršami i karcinami Janiny.
-
Maładaja aktrysa Kołasaŭskaha teatra, jakaja začapiła ludziej vykazvańniem pra biełaruskuju movu, zvalniajecca
-
Pa-biełarusku vyjdzie «Biełaruski snajpier» pasła Šarepki, a Kviatkoŭski napisaŭ praciah «Frašak»
-
Mužčyny płačuć! Akcior i muzyka «Raźbitaha serca pacana» Pavieł Haradnicki zrabiŭ śpiektakl na vieršy Mikity Najdzionava
Kamientary