Арт Сядзіба (Машэрава, 18). Пачатак а 19:00.
«Фарбы душы» Яніны Пінчук — гэта лёгкая, паветраная, летуценная, поўная яркіх фарбаў, прыемных водараў і квяцістых вобразаў паэзія.
Які колер мае Адвэнт?
Колер сіні, як зімнія ночы,
Колер срэбны, як маладзік,
Што за намі з-за дрэваў сочыць,
Як адзенне ў кардынала,
Ён чырвоны, і як арабіна,
Як любімыя шапка і кубак
І гілі на танюткіх галінах…
Яніна Пінчук яшчэ і мастачка. Адну з яе карцінаў вы можаце пабачыць на вокладцы кнігі.
На імпрэзе Яніна не толькі адкажа на пытанні чытачоў, падпіша жадаючым кнігі і зачытае некалькі сваіх вершаў, але яшчэ і намалюе святочную карціну на форзацы асобніка аднаму з удзельнікаў імпрэзы.
Шляхам латарэі, сярод тых, хто набыў кнігу, будзе вызначаны пераможца, які і атрымае ў сваім асобніку не толькі подпіс ад аўтаркі, але і невялічкую карціну.
Удзел у імпрэзе возьме і паэтка Кацярына Глухоўская, аўтарка кнігі вершаў «Калі дрэвы растуць з галавы».
Фарбы душы» — не першая кніга Яніны. Аўтарка дэбютавала ў 2016 годзе з кнігай «Горад Мрой», выдадзенай таксама выдавецтвам «Галіяфы». Сёлета гэтая кніга была намінавана на Прэмію Гедройца.
Акрамя кніг, на прэзентацыі можна будзе набыць святочныя паштоўкі з вершамі і карцінамі Яніны.
Каментары