U Osła kot pa mianušcy Zeraŭ (Zero) vypadkova trapiŭ u pralnuju mašynu i pieražyŭ sorak chvilin myćcia pry tempieratury 30 hradusaŭ u režymie dla voŭny. Pra hetym piša narviežski sajt NRK.
Kot nieprykmietna zalez u baraban, kali baćka siamiejstva adkryŭ pralnuju mašynu, kab vyciahnuć ź jaho častku adzieńnia. Pa zakančeńni myćcia kata znajšoŭ 14-hadovy Iakim.
Zeraŭ i Iakim. Fota: Thomas Marthinsen / NRK
«Jon pramok naskroź. Jon ź ciažkaściu aryjentavaŭsia ŭ prastory, i jaho pačało vanitavać», — raspaviadaje chłopčyk.
Kata adnieśli ŭ vieterynarnuju kliniku, dzie jamu pastavili kropielnicu. Praz dva dni jaho viarnuli ŭ siamju.
Zaraz Zeraŭ taki ž žyvy i hullivy, jak raniej. «Tolki ciapier jon pachnie myłam», — adznačyŭ Iakim.
Zeraŭ. Fota: Thomas Marthinsen / NRK
Toje, što z katom nie adbyłosia ničoha strašnaha, jon nazyvaje dadatkovym padarunkam na Kalady. Padletak zaklikaŭ ludziej być uvažlivymi da svaich hadavancaŭ, a jaho siamja ciapier pastajanna praviaraje baraban pierad myćciom.
