171 hod tamu pa telehrafnaj linii, jakaja złučała Brusel i Antverpen, było adpraŭlena pieršaje elektronnaje pasłańnie. 29 śniežnia tut budzie adpraŭlena apošniaja telehrama.
U epochu instahrama i snepčata moža być dziŭnym, što ŭ Bielhii da hetaha času vykarystoŭvajecca hetaja technałohija XIX stahodździa. U Vialikabrytanii, dzie ŭ 1830-ch hadach byŭ vynajdzieny telehraf, ad jaho admovilisia jašče ŭ 1982 hodzie.
ZŠA ŭziali prykład Brytanii ŭ 2006 hodzie. I navat Indyja, što była najbujniejšym karystalnikam telehrafa ŭ śviecie, admoviłasia ad jaho ŭ 2013 hodzie.
Bielhijskim telehrafam apošnim časam karystalisia ŭsiaho 10 kampanij i niekalki pryvatnych asob. U asnoŭnym heta byli prystavy, jakim patrebna była sistema, u jakoj fakt adpraŭki i atrymańnia paviedamleńniaŭ moh być jurydyčna zafiksavany.
Dla taho, kab adpravić telehramu, treba było patelefanavać na śpiecyjalny numar i pradyktavać svajo paviedamleńnie, jakoje zatym adpraŭlałasia pa pošcie.
Ale ŭličvajučy toje, što standartnaja telehrama z 20 słoŭ kaštuje ŭ Bielhii 23 jeŭra 75 centaŭ (plus 90 centaŭ za dastaŭku ŭ Bruseli i pryharadach), niadziŭna, što ŭ epochu bieźlimitnych sms-paviedamleńniaŭ telehramie było składana kankuravać z sučasnymi technałohijami.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia28
Kamientary