Ministerstva abarony Łatvii padrychtavała papraŭki da zakona ab nacyjanalnaj biaśpiecy, u jakich pieraličany abaviazki hramadzian u vypadku vajny abo ŭzbrojenaha ŭvarvańnia.
Novy punkt zakon praduhledžvaje, što ŭ vypadku vajny ci ŭvarvańnia praca dziaržaŭnaj systemy abarony abapirajecca na pryncypach usioabdymnaj abarony, paviedamlaje Radyjo Svaboda sa spasyłkaj na ahienctva LETA.
Kožny hramadzianin Łatvii abaviazany supraćstajać ahresaru ŭsimi dastupnymi srodkami, akazvać nieabchodnuju padtrymku Nacyjanalnym uzbrojenym siłam, orhanam dziaržkiravańnia, ustanovam dziaržkiravańnia, uzbrojenym siłam NATO abo EZ i ich padraździaleńniam.
Taksama kožny hramadzianin abaviazany vykonvać patrabavańni mabilizacyi i zadańni adkaznych orhanaŭ, prajaŭlać hramadzianski supraciŭ, admaŭlacca ad supracoŭnictva ź niezakonnymi ŭładami i ŭzbrojenymi padraździaleńniami ahresara, ad udziełu ŭ niezakonnych vybarach i referendumach.
Hramadzianie majuć prava padtrymlivać ruch supracivu i jaho ŭdzielnikaŭ, usimi mahčymymi srodkami supraciŭlacca niezakonnaj uładzie i ŭzbrojenym padraździaleńniam ahresara, zajmacca sabatažam i škodnictvam z metaj naniasieńnia škody ahresaru.
Taksama hramadzianie majuć prava na ŭzbrojeny supraciŭ, vykonvajučy normy mižnarodnaha prava. Papraŭki pavinny być jašče razhledžany ŭradam i pryniaty Sojmam.
Kamientary