Karparacyja Apple maje namier začynić kramu muzyki iTunes da 2019 hoda. Pra heta paviedamlaje partał Weraveyou.
Takoje rašeńnie źviazana z rostam papularnaści Spotify, Apple Music i inšych stryminhavych servisaŭ na fonie padzieńnia prodažaŭ muzyčnych kampazicyj u kramie Apple. Madel spažyvańnia źmianiłasia, i karystalniki stali słuchać muzyku pa padpiscy, adznačaje Weraveyou.
Pa dadzienych partała, usie nabytyja karystalnikami treki i ich płejlisty pieraniasuć u miedyjateku Apple Music. Razam z hetym nielehalna zapampavanyja kampazicyi stanuć niedastupnyja.
Adroźnieńnie iTunes Store ad Apple Music palahaje ŭ tym, što ŭ pieršym vypadku vy płacicie asobna za kožnuju kampazicyju, jakaja zachoŭvajecca na ŭsich vašych pryładach, što daje mahčymaść słuchać jaje biez dostupa da internetu. Pry padpiscy na servis Apple Musis vy atrymlivajecie dostup da ŭsioj muzyki, ale nie možacie spampavać jaje na svaju pryładu, što robić niemahčymym słuchać jaje ŭ vypadku, kali niama dostupu da internetu.
iTunes Store była stvoranaja ŭ 2003 hodzie, kali, paśla pośpiechu płejera iPod, uźnikła nieabchodnaść u vialikaj bazie jakasnaje muzyki. Košt kampazicyj rozny dla kožnaj krainy. Tak, u Biełarusi adnu pieśniu možna nabyć ad $0,69.
Apple Music pradstavili ŭ 2015 hodzie. Košt miesiačnaj padpiski na servis dla adnaho karystalnika ŭ Biełarusi zaraz kaštuje $4.99 (dla paraŭnańnia, u ZŠA — $9.99, u Rasii — kala $6).
Kamientary