Stvaralnik bitkojna staŭ adnym z 50 samych bahatych ludziej płaniety. Ale nichto nie viedaje, chto jon
Ahulnaja kapitalizacyja rynku bitkojna ŭžo skłała $335,7 miljardaŭ. Heta zrabiła tajamničaha stvaralnika papularnaj kryptavaluty adnym ź piacidziesiaci samych bahatych ludziej na płaniecie (dakładna, 44-m). Adnak na vokładku časopisa Forbes jamu trapić pakul naŭrad ci atrymajecca: nichto da hetaha času nie viedaje, chto chavajecca za psieŭdanimam Satosi Nakamota, piša hi-tech.mail.ru.
Za apošnija niekalki hadoŭ pad padazreńnie traplali mnohija dziejačy IT-industryi, a taksama finansisty. Naprykład, kryptohrafy Majkł Śpił, finski raspracoŭščyk hulniaŭ Vili Lechdanvirta, trojka raspracoŭščykaŭ Fast Company i navat Iłan Mask.
Akramia taho, u śniežni 2015 hoda, aŭstralijski pradprymalnik Krejh Rajt abviaściŭ siabie stvaralnikam bitkojna. Fakty, jakija dakazvajuć jaho prynaležnaść da stvareńnia elektronnaje valuty, jon daŭ vydańniu BBC. Adnak paźniej Rajt nie zmoh ažyćciavić kryptahrafičny podpis pieršaha błoka dadzienych, tym samym pravaliŭšy pravierku na sapraŭdnaść svajoj zajavy.
Tak ci inakš, na siońnia majomaść Satošy Nakamota aceńvajecca ŭ 980 000 bitkojnaŭ, što na momant publikacyi artykuła ekvivalentna 19,4 miljarda dalaraŭ i pieravyšaje majomaść mnohich saudaŭskich pryncaŭ i pieršaprachodcaŭ IT-industryi. Zrešty, zasnavalniki Google Siarhiej Bryn i Łary Pejdž paśpieli zarabić prykładna ŭ dva razy bolš, Mark Cukierbierh — u try, a samy zamožny ŭ śviecie čałaviek — Bił Hiejts — u čatyry razy.
Ale, kali kurs bitkojna vyraście da $80 tysiač, miesca Biła Hiejtsa ŭ śpisie samych zamožnych ludziej zojmie nieviadomy Satošy Nakamota.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary