18 śniežnia prakuratura Vilejskaha rajona pieradała ŭ sud sprava ŭ dačynieńni da padletka, jaki złamaŭ nos inšamu niepaŭnaletniamu.
Jak raspavioŭ kraj.by namieśnik prakurora Andrej Žukoŭski, letam dvoje padletkaŭ damovilisia ab prodažy adzin druhomu akaŭnta ŭ hulni «World of Tanks».
Vypłata pavinna była prachodzić u rasterminoŭku. Pakupnik addaŭ častku hrošaj, pačaŭ karystacca akaŭntam. Ale ŭ niejki momant jaho zabłakavali. Padletak vyrašyŭ, što pradaviec jaho padmanuŭ, skardziačysia ŭ administracyju hulni i paprasiŭ ab błakavańni. I pačaŭ pradjaŭlać chłopcu piśmovyja pretenzii.
Toj svaju vinu admaŭlaŭ i kazaŭ, što nie viedaje, čamu tak adbyłosia. Ale kali pakupnik sustreŭ vypadkova ŭ horadzie, to ŭdaryŭ jaho rukami niekalki razoŭ pa tvary, a zatym nahami — u vobłaść hałavy.
U vyniku ŭ padletka złamanyja zub i nos. Kryŭdziciel pryznaŭ svaju vinu. Suprać jaho raspačali kryminalnuju spravu pa artykule 153 KKK «Naŭmysnaje pryčynieńnie lohkaha cialesnaha paškodžańnia». Pa im čakaje maksimalnaje pakarańnie ŭ vyhladzie aryštu da troch miesiacaŭ.
