Dzieci, jakija rehularna pjuć fruktovyja soki z vysokim utrymańniem cukru, čaściej pakutujuć na astmu, havorycca ŭ daśledavańni miedykaŭ z Harvardskaha ŭniviersiteta. Pra heta paviedamlaje Daily Mail.
Daśledčyki vyvučyli racyjon charčavańnia 1068 maci i ich dziaciej, a taksama infarmacyju pra ich zdaroŭje, kab vyznačyć, ci jość suviaź pamiž zachvorvańniem na astmu i sałodkimi napojami.
U vyniku jany vyjavili, što dzieci, što rehularna ŭžyvali fruktozu i cukar, na 77% čaściej pakutujuć na astmu.
Zaležnaść vyjaviłasia ŭ dziaciej z roznym indeksam masy cieła. Akramia taho, na źjaŭleńnie prablem z dychańniem upłyvaje ŭžyvańnie sałodkich napojaŭ žančynami padčas ciažarnaści.
«My pakul nie viedajem, jak mienavita cukar i fruktoza pryvodziać da astmy. Možna mierkavać, hetyja złučeńni pravakujuć zapaleńni, jakija mohuć upłyvać na raźvićcio lohkich», — kaža adzin z aŭtaraŭ daśledavańnia.
Raniej navukoŭcy vyznačyli, što na astmu čaściej chvarejuć žančyny, bo ich pałavyja harmony nie błakujuć zapaleńni i nie zapavolvajuć vyłučeńnie lohkimi ślizi, jak heta robić testasteron u mužčyn.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary