Дзеці, якія рэгулярна п'юць фруктовыя сокі з высокім утрыманнем цукру, часцей пакутуюць на астму, гаворыцца ў даследаванні медыкаў з Гарвардскага ўніверсітэта. Пра гэта паведамляе Daily Mail.
Даследчыкі вывучылі рацыён харчавання 1068 маці і іх дзяцей, а таксама інфармацыю пра іх здароўе, каб вызначыць, ці ёсць сувязь паміж захворваннем на астму і салодкімі напоямі.
У выніку яны выявілі, што дзеці, што рэгулярна ўжывалі фруктозу і цукар, на 77% часцей пакутуюць на астму.
Залежнасць выявілася ў дзяцей з розным індэксам масы цела. Акрамя таго, на з'яўленне праблем з дыханнем уплывае ўжыванне салодкіх напояў жанчынамі падчас цяжарнасці.
«Мы пакуль не ведаем, як менавіта цукар і фруктоза прыводзяць да астмы. Можна меркаваць, гэтыя злучэнні правакуюць запаленні, якія могуць уплываць на развіццё лёгкіх», — кажа адзін з аўтараў даследавання.
Раней навукоўцы вызначылі, што на астму часцей хварэюць жанчыны, бо іх палавыя гармоны не блакуюць запаленні і не запавольваюць вылучэнне лёгкімі слізі, як гэта робіць тэстастэрон у мужчын.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея за Столінскага раёна, які пасля вызвалення з калоніі забіў трох чалавек
«Пасля першага забойства з ім развялася жонка». Што вядома пра шматдзетнага Сяргея за Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары