
U Kijevie zatrymali mierkavanaha rasijskaha ahienta. Zatrymanym čynoŭnikam, jaki pracavaŭ u sakrataryjacie ŭrada Ukrainy, apynuŭsia pamočnik premjer-ministra Uładzimira Hrojsmana Stanisłaŭ Jažoŭ.
Pra heta telekanału «112. Ukraina» paviedamiŭ pradstaŭnik Kabmina Vadzim Dzienisienka.
«Infarmacyja pra toje, što hety čałaviek moža zajmacca supraćpraŭnaj dziejnaściu, była viadomaja dosyć daŭno, i jaho praca ŭ apošni čas była što nazyvajecca «pad kaŭpakom», - zajaviŭ Dzienisienka.
Raniej ukrainskija śpiecsłužby zajavili ab vykryćci rasijskaha ahienta, jaki pracavaŭ u sakrataryjacie ŭrada Ukrainy. Pa viersii śledstva, jon «byŭ zavierbavany» rasijskimi śpiecsłužbami padčas zamiežnaj kamandziroŭki.
«Pa zadańni rasijskich kurataraŭ źbiraŭ z dapamohaj śpiecyjalnaha abstalavańnia infarmacyju ab dziejnaści ŭradavych struktur», - miarkujuć ŭkrainskija pravaachoŭniki.
Kamientary